«Чаму ўсе маўчаць пра беларускі Villeroy&Boch?»: беларуска ў захапленні ад Добрушскага фарфору
Але яе энтузіязм падзяляюць далёка не ўсе.
Беларуска Наталля ў Threads пахвалілася сваім сталовым посудам. Яе талерачкі з серыі «Надзея» вырабілі на Добрушскім фарфоравым заводзе — і жанчына ў захапленні ад айчыннага вытворцы.
«Чаму ўсе маўчаць пра беларускі Villeroy&Boch?» — напісала яна і дадала цэны. Талеркі каштуюць танна — ад 2,5 да 5 рублёў. Для параўнання: талерачкі ад таго самага Villeroy&Boch (нямецкі брэнд керамікі, які існуе з 1748 года) лёгка могуць каштаваць у Мінску і 100, і 200 рублёў за штуку.
Сапраўды, у сацыяльных сетках час ад часу можна пабачыць, што добрушскі фарфор уваходзіць у моду — асабліва хваляць талеркі з гусямі, лімонамі ці ружамі «як у Pinterest».
Але меркаванні каментатараў пад допісам Наталлі падзяліліся. Нехта хваліўся сваім посудам ад Добрушскага фарфоравага завода. Адна з жанчын нават прызналася, што ўвесь посуд у доме замяніла на добрушскі.
Большасць жа паставілася да такога смелага параўнання з Villeroy&Boch скептычна.
Бо шмат каму не падабаецца тое, што добрушскі фарфор мае не ідэальна белы колер, як у еўрапейскіх брэндаў, а шэраваты.
Гэтаму ёсць тлумачэнне. Па-першае, мясцовая сыравіна — у беларускіх радовішчах кааліну і глін ёсць натуральныя прымешкі, якія пасля абпалу даюць тое самае шэрае адценне. Па-другое, на заводзе ў Добрушы не выкарыстоўваюць штучныя адбельвальнікі для фарфору. Тэарэтычна, праз гэта ён больш экалагічны.
Але ж для кагосьці такі колер — толькі плюс: «Вельмі падабаецца серыя «Бель»! Мне вельмі даспадобы гэты нябелены белы. Не цярплю на сваім стале ні асляпляльна белыя талеркі, ні празрыстага шкла, ні талеркі з малюнкам. І нічога не магу з гэтым зрабіць, спрабавала шмат разоў. На мой густ у Добруша добрыя правільныя памеры, прыемны гук посуду, што таксама не малаважна для мяне і вельмі натуральны колер».
Некаторыя каментатары адзначаюць невысокую якасць посуду беларускага вытворцы: «Серыя «Надзея» — другі гатунак. Трэба перабраць увесь стос талерак у краме, каб абраць пару штук. І так, яна ўсё ж шараватая. Але мне спадабалася і паволі, за год (!) я назбірала восем падстаўных і чатыры вялікія [талеркі]».
«Добруш не служыць доўга. Максімум год-два. Якасць адпавядае кошту. Жадаеш раз на год купляць новы камплект посуду і ў выніку мець шафу разнамаснага посуду з рэштак недабітых камплектаў — вэлкам Добруш. Хочаш купіць камплект посуду і забыцца пра падобныя пакупкі на дзесяцігоддзі — табе ў Villeroy&Boch. Кожнаму сваё».
«Тры гады камплекту, і ён як новы. І ўсё гэта Добруш», — не пагадзілася іншай каментатарка.
«Наша Нiва» — бастыён беларушчыны
ПАДТРЫМАЦЬ«Hermes такога не чакаў». Беларускі знаходзяць у «Галантэі» аналагі сумак люксавых брэндаў за смешныя грошы
БелАЗ прадае кітайскі варыянт легендарных ботаў Timberland. Яны ў некалькі разоў таннейшыя за арыгінальныя!
«Цікава, што з’явілася раней: адыдас ці лідскія кеды»: у тыктоку новая хваля любові да айчыннага абутку
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары