Касір у абменніку выдаў лішнія грошы, кліент вярнуў, але зарабіў крыміналку
Выпадак адбыўся ў Гомелі.
Скрыншот відэа Гомельскай міліцыі
Мужчына прыйшоў у касу, каб абмяняць валюту. Касір памылкова выдала яму на 4400 рублёў больш, чым належала. На відэа, якое распаўсюджвае міліцыя, бачна, што мужчына пералічыў грошы і пайшоў.
Недахоп выявілі праз некалькі гадзін. Супрацоўнікі міліцыі вывучылі запісы з камер і ўстанавілі асобу кліента. Ім аказаўся 23‑гадовы жыхар Гомеля.
Мужчына прызнаўся ў тым, што адбылося, і вярнуў усю суму. Нягледзячы на гэта, ў дачыненні да яго была заведзеная крымінальная справа па факце крадзяжу, паведамляе абласная міліцыя.
Каментары
Ён тайна забраў чужое, скарыстаўшыся сітуацыяй.
Недастатковая ўважлівасць касіра тут не апраўданне крадзяжу.
Калі першы раз, малая сумма, не ў складзе злачыннай групы, то не пасадзяць. Ну... Не павінны, але цяпер халера яго ведае, які ў іх там план.