«Кватэра была захламленая». На пажары ў мінскай Курасоўшчыне загінуў чалавек
Пажар адбыўся ўчора ў адной з кватэр дома па вуліцы Казінца, 49.
Паведамленне МНС атрымала ў 12:34. Ратавальнікі накіраваліся на месца здарэння і ўбачылі незвычайна густы дым, які літаральна ахапіў увесь будынак, паведамляе Onliner.by са спасылкай на МНС.
Падчас тушэння пажару работнікі МНС знайшлі мужчыну і жанчыну ў непрытомным стане. Іх вынеслі на свежае паветра і перадалі ў рукі брыгады хуткай медыцынскай дапамогі. Абое прыйшлі ў прытомнасць і былі шпіталізаваныя з траўмамі рознай ступені цяжкасці.
Адзначаецца, што кватэра была моцна захламленая. Гэта стала прычынай густога дыму, які перашкаджаў тушэнню. Падчас разбірання згарэлай маёмасці пад кучай смецця ратавальнікі знайшлі цела мужчыны — гаспадара кватэры. Медыкі канстатавалі яго смерць.
Спецыялісты ўстанавілі, што ўзгаранне адбылося ў адным з пакояў і на балконе. У выніку пажару ў трохпакаёвай кватэры пашкоджана маёмасць, закопчаны сцены і столь. Прычына трагедыі высвятляецца спецыялістамі.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну92
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары