Беларусы пайшлі на той самы «Дом-2» — іх заклікаюць не ганьбіцца і ехаць дахаты
Памятаеце «Дом-2», узорна скандальнае тэлешоу пачатку нулявых? Аказваецца, яно ідзе і цяпер. Больш за тое, у ім удзельнічаюць беларусы і збіраюць шмат хэйту.
Апісаць фармат «Дома-2» складана. Гэта закрытая тэлесупольнасць, якая жыве ў атачэнні мноства камер і ў якую пастаянна прыходзяць новыя ўдзельнікі. Гэтыя ўдзельнікі мусяць утрымацца ў гэтай сістэме. Каб утрымацца ў сістэме, ім трэба спадабацца старажылам супольнасці і пабудаваць рамантычныя адносіны — нікога не цікавіць, наколькі сапраўдныя.
Вельмі пажадана, каб гэтыя адносіны выклікалі эмоцыі, у тым ліку негатыўныя, былі карысныя для драматургіі праекта і ўпісваліся ва ўжо існуючыя канфлікты. Тады ўдзельнік можа атрымаць больш экраннага часу, што дазволіць яму затрымацца на праекце надалей.
Гэтым крытэрыям цалкам адпавядаюць Альберт і Вераніка Граковічы, якія прыехалі на «Дом-2» з Барысава (у шоу таксама ўдзельнічае іх дарослая дачка). За некалькі месяцаў на праекце сям’я паспела пасварыцца: Вераніка знайшла сабе маладога каханка, а яе муж адказаў раманам з бландынкай, нашмат маладзейшай за яго.
Абое ўжо паспелі звазіць новых пасій да сябе ў Барысаў і ўлезці ў новыя скандалы: Альберт — кажуць, ён працуе на адным з беларускіх заводаў — станцаваў для сваёй бландынкі стрыптыз перад камерай, а Вераніка раздзерла яму твар. У планах беларуса — развод з Веранікай і паездка з новай каханай у Тайланд.
Мяркуючы па каментарах у сацсетках, нават гледачам «Дома-2» не падабаецца скандальнасць Граковічаў. Яны прапануюць беларусам ехаць дахаты:
«Надакучылі Граковічы, ганебнікі. Зганьбіліся на дзве краіны. Незразумела, чаму іх трымаюць на праекце?»
«Альберту трэба тэрмінова дахаты, навошта рабіць з сябе клоўна, няхай і за грошы».
«Хопіць ужо ганьбіць праект гэтай сямейкай са сваімі разборкамі».
«Наша Нiва» — бастыён беларушчыны
ПАДТРЫМАЦЬЦяпер чытаюць
Маладую беларуску пратрымалі ў расійскім СІЗА амаль 4 гады і апраўдалі. А кампенсацыю далі такую, нібыта ў твар плюнулі9
Каментары