Biełarusy pajšli na toj samy «Dom-2» — ich zaklikajuć nie hańbicca i jechać dachaty
Pamiatajecie «Dom-2», uzorna skandalnaje telešou pačatku nulavych? Akazvajecca, jano idzie i ciapier. Bolš za toje, u im udzielničajuć biełarusy i źbirajuć šmat chejtu.
Apisać farmat «Doma-2» składana. Heta zakrytaja telesupolnaść, jakaja žyvie ŭ atačeńni mnostva kamier i ŭ jakuju pastajanna prychodziać novyja ŭdzielniki. Hetyja ŭdzielniki musiać utrymacca ŭ hetaj sistemie. Kab utrymacca ŭ sistemie, im treba spadabacca staražyłam supolnaści i pabudavać ramantyčnyja adnosiny — nikoha nie cikavić, nakolki sapraŭdnyja.
Vielmi pažadana, kab hetyja adnosiny vyklikali emocyi, u tym liku niehatyŭnyja, byli karysnyja dla dramaturhii prajekta i ŭpisvalisia va ŭžo isnujučyja kanflikty. Tady ŭdzielnik moža atrymać bolš ekrannaha času, što dazvolić jamu zatrymacca na prajekcie nadalej.
Hetym kryteryjam całkam adpaviadajuć Albiert i Vieranika Hrakovičy, jakija pryjechali na «Dom-2» z Barysava (u šou taksama ŭdzielničaje ich darosłaja dačka). Za niekalki miesiacaŭ na prajekcie siamja paśpieła pasvarycca: Vieranika znajšła sabie maładoha kachanka, a jaje muž adkazaŭ ramanam z błandynkaj, našmat maładziejšaj za jaho.
Aboje ŭžo paśpieli zvazić novych pasij da siabie ŭ Barysaŭ i ŭleźci ŭ novyja skandały: Albiert — kažuć, jon pracuje na adnym ź biełaruskich zavodaŭ — stancavaŭ dla svajoj błandynki stryptyz pierad kamieraj, a Vieranika raździerła jamu tvar. U płanach biełarusa — razvod ź Vieranikaj i pajezdka z novaj kachanaj u Tajłand.
Miarkujučy pa kamientarach u sacsietkach, navat hledačam «Doma-2» nie padabajecca skandalnaść Hrakovičaŭ. Jany prapanujuć biełarusam jechać dachaty:
«Nadakučyli Hrakovičy, haniebniki. Zhańbilisia na dźvie krainy. Niezrazumieła, čamu ich trymajuć na prajekcie?»
«Albiertu treba terminova dachaty, navošta rabić ź siabie kłoŭna, niachaj i za hrošy».
«Chopić užo hańbić prajekt hetaj siamiejkaj sa svaimi razborkami».
«Naša Niva» — bastyjon biełaruščyny
PADTRYMAĆPadpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary