Лукашэнка: Не трэба перажываць з нагоды штучнага інтэлекту — чалавека ён пакуль не заменіць
Палітык падчас размовы пра высокія тэхналогіі ў прамысловасці спытаўся ў кіраўніка «Планара» як спецыяліста ў гэтай галіне, што ён думае пра развіццё штучнага інтэлекту, піша БелТА.
Як растлумачыў генеральны дырэктар «Планара» Сяргей Авакаў, вызначэнне паняцця «штучны інтэлект» пастаянна змяняецца і пераглядаецца, бо тэхналогіі ў гэтай сферы хутка развіваюцца. Паводле яго слоў, ШІ — гэта шырокае паняцце, пэўная сістэма прыняцця рашэнняў.
«Я мяркую, што тыя, хто прыдумаў гэтае азначэнне, мелі на ўвазе, што штучны інтэлект заменіць чалавека», — заўважыў Лукашэнка.
«Не, не заменіць», — упэўнены Сяргей Авакаў.
Ён патлумачыў, што адзін з заснавальнікаў тэхнічнай кібернетыкі Уільям Эшбі ў 1950‑я гады ХХ стагоддзя напісаў кнігу, у якой разважаў пра тое, ці можа машына быць разумнейшай за свайго стваральніка. «Гэтае пытанне да гэтага часу застаецца рытарычным», — лічыць кіраўнік «Планара».
«Так што ніякі «інтэлект» нас не заменіць», — падкрэсліў Аляксандр Лукашэнка.
Цяпер чытаюць
Стала вядома, чаму Ютуб выдаліў стрымы Сяргея Ціханоўскага43
Каментары
Увогуле, страх перад тым, што машына стане разумнейшай за чалавека, у нашых умовах выглядае нават кампліментам машыне. Бо каб кагосьці "замяніць", трэба хаця б выконваць тыя ж функцыі: не блытаць паняцці, не супакойваць замест аналізу і не блытаць будучыню з мінулым.
Так што можна не хвалявацца.
Штучны інтэлект сапраўды пакуль нікога не заменіць.
Асабліва там, дзе адсутнасць інтэлекту - частка стабільнасці.