МАРГ далучыла да пагаднення аб прасоўванні беларускіх тавараў новых буйных гульцоў. Сярод іх — уладальнік «Табакерак»
Паводле паведамлення Міністэрства антыманапольнага рэгулявання і гандлю, новыя ўдзельнікі падпісалі пагадненне аб супрацоўніцтве, накіраванае на павышэнне эфектыўнасці продажаў прадукцыі айчыннай вытворчасці.
Сярод новых удзельнікаў — кампанія «Энерга-Ойл», якая кіруе сеткай кіёскаў «Табакерка». Па краіне працуе каля 1,8 тысячы такіх гандлёвых пунктаў. Таксама да пагаднення далучылася кампанія «Плэй Хард», што развівае сетку крам «Тры цаны» (каля 340 аб’ектаў).
Акрамя таго, у спіс увайшлі ЗАТ «Беларуская сетка тэлекамунікацый» (мабільны аператар life:), кампанія «ДНС-маркет» (сетка крам «ДНС»), а таксама шэраг прадстаўнікоў сярэдняга і малога бізнэсу і індывідуальныя прадпрымальнікі.
Раней паведамлялася, што восенню 2025 года да пагаднення ўжо далучыліся каля 600 кампаній. У снежні таго ж года міністэрства запусціла праект «Кожная пятніца — роднае, сваё», які закліканы папулярызаваць беларускія тавары.
Агулам да дакумента цяпер далучыліся суб’екты гаспадарання, якім належаць больш за 23 тысячы аб’ектаў гандлю і грамадскага харчавання.
Пры гэтым вясной 2025 года МАРГ адзначала, што доля прадукцыі беларускай вытворчасці ў раздробным гандлі знізілася да 56,4% — гэта самы нізкі паказчык за апошняе дзесяцігоддзе.
Чыноўніца прапануе па пятніцах прыходзіць на працу ў беларускім адзенні. І сама падала прыклад
Белкаапсаюз дэманструе свой патрыятызм праз «Дранік цэнтральнага рэгіёна»
МАРГ заклікае беларусаў кожную пятніцу размаўляць па-беларуску і слухаць беларускую музыку
Сацыяльныя зніжкі ў беларускіх гандлёвых сетках падоўжылі яшчэ на паўгода
Цяпер чытаюць
28‑гадовую ўкраінку з Марыупаля асудзілі ў Мінску за палітыку. Чаму яна апынулася ў Беларусі, няясна3
Каментары