Новы фаварыт знакамітасцяў у пагоні за даўгалеццем: ін’екцыі пептыдаў

Яны вераць, што ін’екцыі пептыдаў дапамогуць займець рэльефныя мышцы, паскораць гаенне і аднаўленне тканак, нададуць скуры малады выгляд і, патэнцыйна, дададуць гады жыцця, піша The Times.

Што такое пептыды

Пептыды — гэта кароткія ланцужкі амінакіслот, якія натуральным чынам выпрацоўваюцца ў чалавечым арганізме. Яны дзейнічаюць як своеасаблівыя сігнальныя малекулы, якія перадаюць клеткам каманды, што рабіць, і выконваюць мноства карысных функцый: ад рэгуляцыі гармонаў да ўплыву на метабалізм і падтрымкі здароўя скуры.

Сапраўдны выбух цікавасці да гэтай тэмы адбыўся ў апошнія гады пасля поспеху лекаў для пахудзення, такіх як Ozempic або Wegovy. Яны дзейнічаюць на аснове гармону GLP-1, і літара «P» у гэтай назве якраз азначае «пептыд» (glucagon-like peptide).

Павялічыць

Папулярнасць гэтых прэпаратаў паказала, што пептыды могуць моцна ўплываць на фізіялогію чалавека. Адначасова стала больш звыклым і само ўяўленне пра рэгулярныя ін’екцыі як пра складнік здаровага ладу жыцця.

Разам з гэтым пачаў хутка расці і рынак пептыдных прэпаратаў. Паводле ацэнак аналітыкаў, яго аб’ём у свеце ўжо дасягае дзясяткаў мільярдаў даляраў і працягвае павялічвацца. Згодна са справаздачай часопіса Nature, апублікаванай летась, для медыцынскага выкарыстання ўхвалена больш за сто пептыдаў, хоць большасць з тых, пра якія вы пачуеце ў сацыяльных сетках, адабрэння не маюць.

Нягледзячы на гэта, цікавасць да пептыдаў хутка распаўсюджваецца. У колах прыхільнікаў здаровага ладу жыцця і фітнэсу папулярнымі сталі камбінацыі (так званыя «стэкі») розных пептыдаў, якія нібыта ўзмацняюць дзеянне адзін аднаго.

@dr.kanzasoomro Happy Saturday #doctorsoftiktok ♬ original sound - Dr. Kanza Soomro

Сярод найбольш вядомых называюць рэчывы, што павінны стымуляваць выпрацоўку гармону росту (Ipamorelin), актывізаваць сінтэз калагену (GHK-Cu), паскараць гаенне тканак (BPC-157, TB-500) або падтрымліваць мышачную масу, якая з узростам звычайна змяншаецца (tesamorelin). Некаторым пептыдам прыпісваюць нават магчымасць запавольваць старэнне клетак (epitalon).

Асобную папулярнасць у фітнэс-асяроддзі атрымала камбінацыя BPC-157 і TB-500. Яе нярэдка называюць «стэкам Расамахі» па аналогіі з героем Marvel, вядомым сваёй здольнасцю імгненна загойваць раны. Прыхільнікі такіх ін’екцый лічаць, што гэтая камбінацыя можа паскараваць аднаўленне тканак і зменшыць запаленчыя працэсы, якія часта суправаджаюць старэнне.

@cristina.noh How I prepare, reconstitute and startup from the crystallized glow peptide stack. #glowpeptide #injection #peptide #wolverinestack #longevity ♬ original sound - Cristina with no H

Рызыкі

Аднак прыём гэтых сродкаў абыходзіцца нятанна. Пептыдныя «стэкі», якія рэкламуюцца як сродак супраць старэння, могуць каштаваць каля 500 даляраў на месяц. Да таго ж існуюць патэнцыйныя рызыкі. Многія пептыды, якімі захапляюцца велнес-інфлюэнсеры ў інтэрнэце, знаходзяцца па-за строгім медыцынскім кантролем і не ўхвалены для выкарыстання людзьмі.

Многія з гэтых цудадзейных эліксіраў не прайшлі неабходных выпрабаванняў на людзях, а дактары ў большасці краін не маюць права іх прызначаць. Каб абысці закон, прадаўцы ў інтэрнэце выкарыстоўваюць хітрую юрыдычную шчыліну, маркіруючы флаконы надпісам «толькі для лабараторных даследаванняў».

@owencgym #fyp #real #gymtok #viral #gym ♬ origineel geluid -

Эксперты папярэджваюць: кожны, хто купляе антыўзроставыя пептыды ў інтэрнэце для самастойных ін’екцый дома, рызыкуе сваім здароўем, бо немагчыма дакладна ведаць, што менавіта знаходзіцца ў флаконе. Акрамя саміх актыўных рэчываў, там могуць быць стабілізатары або іншыя хімічныя прымешкі, здольныя выклікаць сур’ёзныя алергічныя рэакцыі. Да таго ж адно з нядаўніх даследаванняў паказала, што прыкладна кожны дзясяты флакон, набыты анлайн, утрымлівае бактэрыяльныя таксіны, якія могуць быць асабліва небяспечнымі для людзей з аслабленай імуннай сістэмай.

Большасць станоўчых эфектаў, пра якія кажуць у сацыяльных сетках, пакуль значна апярэджваюць навуковыя доказы. Многія пазітыўныя вынікі былі зафіксаваныя толькі ў тэстах на жывёлах або на клеткавых культурах, і ніхто дакладна не ведае, якімі будуць наступствы такіх эксперыментаў над уласным целам праз дзесяць ці дваццаць гадоў.

Медыцынская супольнасць заінтрыгаваная патэнцыялам пептыдаў, але спецыялісты па даўгалецці ў адзін голас кажуць, што чароўнага ўколу ўсё яшчэ не існуе.

На іх думку, самымі эфектыўнымі спосабамі падоўжыць жыццё застаюцца не гламурныя і дарагія ін’екцыі, а базавыя і звыклыя рэчы: глыбокі сон, здаровае харчаванне, фізічная актыўнасць і кантроль стрэсу. Пептыды могуць стаць карысным дадаткам у будучыні, але пакуль яны застаюцца рызыкоўнай і неправеранай спробай знайсці кароткі шлях там, дзе яго, магчыма, няма.

• 4
• 0
• 1
• 3
• 0
• 0
• 0
• 0