СМІ расказалі пра расійскі сцэнар імітацыі замаху на Віктара Орбана перад выбарамі
Такі інцыдэнт зрушыць успрыманне кампаніі з рацыянальнай сферы ў эмацыйную.
Напярэдадні вырашальных выбараў у Венгрыі, што павінны прайсці ў красавіку, падраздзяленне расійскай знешняй разведкі пачало біць трывогу з-за рэзкага падзення грамадскай падтрымкі прэм’ер-міністра Віктара Орбана, чые сяброўскія сувязі з Масквой доўгі час забяспечвалі Крамлю стратэгічную перавагу ў супрацьстаянні з НАТА і ЕС, піша The Washington Post.
Супрацоўнікі Службы знешняй разведкі Расіі выказалі меркаванне, што могуць спатрэбіцца радыкальныя меры.
Выданне сцвярджае, што ва ўнутраным дакладзе СЗР быў выкладзены спосаб «фундаментальна змяніць усю парадыгму выбарчай кампаніі» — «арганізацыя замаху на Віктара Орбана».
«Такі інцыдэнт зрушыць успрыманне кампаніі з рацыянальнай сферы […] у эмацыйную, дзе ключавымі тэмамі стануць дзяржаўная бяспека, стабільнасць і абарона палітычнай сістэмы», — нібыта напісалі расійскія агенты ў сваім дакладзе.
Нападаў на Орбана не было, але само дапушчэнне пра магчымасць пакушэння на яго жыццё падкрэслівае, наколькі высокія стаўкі для Масквы ў венгерскай перадвыбарнай гонцы, каментуе The Washington Post.
Лідар венгерскай апазіцыі перасцярог Расію ад умяшання ў парламенцкія выбары
У Венгрыі апазіцыйная Орбану партыя рэкордна павялічыла адрыў перад выбарамі
У Будапешце прайшлі масавыя мітынгі Орбана і яго галоўнага суперніка
Галоўны апанент Орбана прызнаўся, што ўляпаўся ў сэкс-скандал. «Класічны кампрамат расійскага тыпу»
Цяпер чытаюць
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома8
Каментары