На працэс над Алегам Хаменкам сталічныя музыканты баяліся прыходзіць
Музыка сустракае дзень народзінаў у зоне першы раз.
4 сакавіка Мінскі гарадскі суд прызнаў яго вінаватым у «садзейнічанні экстрэмісцкай дзейнасці» за супрацоўніцтва з «Радыё Рацыя». Заснавальніку і лідару гурту «Палац» палітвязню Алегу Хаменку 4 красавіка спаўняецца 59 гадоў, піша Радыё Свабода.
Гэта першы дзень народзінаў, які музыка адзначае ў зняволенні.
Пра ўмовы ўтрымання, маральны стан і здароўе Алега Хаменкі Свабодзе расказала крыніца:
«Праз месяц пасля прысуду, наколькі вядома, Алег знаходзіцца ў мінскім СІЗА ў пасёлку Калядзічы і чакае апеляцыі. Ён не пагадзіўся з прысудам і спадзяецца на яго скасаванне.
Пра працэс вядома вельмі мала: людзі, у тым ліку сталічныя музыкі, баяцца прыходзіць на такія пасяджэнні», — сказала крыніца.
Пра ўмовы ўтрымання вядома няшмат: «На ўмовы ў камеры не наракаў. Перапіска вядзецца, але пра дэталі знаходжання ў СІЗА ў лістах ад яго няма інфармацыі. Але вядома, што скаргаў на ўмовы не падаваў».
Пра здароўе Алега кажа так: «Чалавеку праз год будзе 60, таму здароўе адпаведнае. Лекі да яго даходзяць. Маральны стан можна ўявіць: арышт у такім узросце асабліва цяжкі, але сказаць, што ён зусім разгубіўся, нельга. Трымаецца».
Музыку затрымалі ў чэрвені мінулага года, а 4 сакавіка сёлета асудзілі на 3 гады зняволення паводле арт. 361‑4 Крымінальнага кодэксу — «Садзейнічанне экстрэмісцкай дзейнасці» — за супрацоўніцтва з рэдакцыяй «Беларускага Радыё Рацыя», прызнанай у Беларусі «экстрэмісцкім фармаваннем».
Менскі гарадскі суд прысудзіў Алегу Хаменку 3 гады калоніі агульнага рэжыму і штраф больш за 20 000 рублёў. Праваабаронцы прызналі Хаменку палітвязнем.
Цяпер чытаюць
Лукашэнка: Што творыцца ў краіне, у нас усе гэтую гусь круцяць25
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5757
Каментары