Na praces nad Aleham Chamienkam staličnyja muzykanty bajalisia prychodzić
Muzyka sustrakaje dzień narodzinaŭ u zonie pieršy raz.
4 sakavika Minski haradski sud pryznaŭ jaho vinavatym u «sadziejničańni ekstremisckaj dziejnaści» za supracoŭnictva z «Radyjo Racyja». Zasnavalniku i lidaru hurtu «Pałac» palitviaźniu Alehu Chamienku 4 krasavika spaŭniajecca 59 hadoŭ, piša Radyjo Svaboda.
Heta pieršy dzień narodzinaŭ, jaki muzyka adznačaje ŭ źniavoleńni.
Pra ŭmovy ŭtrymańnia, maralny stan i zdaroŭje Aleha Chamienki Svabodzie raskazała krynica:
«Praź miesiac paśla prysudu, nakolki viadoma, Aleh znachodzicca ŭ minskim SIZA ŭ pasiołku Kaladzičy i čakaje apielacyi. Jon nie pahadziŭsia z prysudam i spadziajecca na jaho skasavańnie.
Pra praces viadoma vielmi mała: ludzi, u tym liku staličnyja muzyki, bajacca prychodzić na takija pasiadžeńni», — skazała krynica.
Pra ŭmovy ŭtrymańnia viadoma niašmat: «Na ŭmovy ŭ kamiery nie narakaŭ. Pierapiska viadziecca, ale pra detali znachodžańnia ŭ SIZA ŭ listach ad jaho niama infarmacyi. Ale viadoma, što skarhaŭ na ŭmovy nie padavaŭ».
Pra zdaroŭje Aleha kaža tak: «Čałavieku praz hod budzie 60, tamu zdaroŭje adpaviednaje. Leki da jaho dachodziać. Maralny stan možna ŭjavić: aryšt u takim uzroście asabliva ciažki, ale skazać, što jon zusim razhubiŭsia, nielha. Trymajecca».
Muzyku zatrymali ŭ červieni minułaha hoda, a 4 sakavika sioleta asudzili na 3 hady źniavoleńnia pavodle art. 361‑4 Kryminalnaha kodeksu — «Sadziejničańnie ekstremisckaj dziejnaści» — za supracoŭnictva z redakcyjaj «Biełaruskaha Radyjo Racyja», pryznanaj u Biełarusi «ekstremisckim farmavańniem».
Mienski haradski sud prysudziŭ Alehu Chamienku 3 hady kałonii ahulnaha režymu i štraf bolš za 20 000 rubloŭ. Pravaabaroncy pryznali Chamienku palitviaźniem.
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5555
Kamientary