Памёр італьянскі дызайнер Адрыяна Гольдшмід — адзін з заснавальнікаў вядомага брэнда Diesel. Яму было 82 гады, прычынай смерці стала анкалагічнае захворванне.
Голдшмід нарадзіўся ў Італіі ў 1943 годзе і стаў адной з ключавых фігур у сусветнай джынсавай індустрыі. У 1970— 1980‑я гады ён удзельнічаў у стварэнні і развіцці некалькіх вядомых брэндаў, у тым ліку Diesel, які заснаваў разам з Рэнца Роса. Пазней ён таксама запусціў маркі Replay, Goldsign і AG Adriano Goldschmied.
Яго часта называлі «хросным бацькам дэніму» за вялікі ўнёсак у развіццё гэтай галіны. Ён адным з першых пачаў эксперыментаваць з апрацоўкай джынсавай тканіны — выкарыстоўваў эфект штучнага старэння, нестандартныя колеры і новыя падыходы да крою. З цягам часу гэтыя ідэі сталі стандартам у індустрыі.
У 2000‑я гады дызайнер актыўна працаваў у ЗША, дзе развіваў прэміяльныя лініі дэніму і супрацоўнічаў з буйнымі вытворцамі. Яго брэнды спецыялізаваліся на якасных джынсах з акцэнтам на крой і тэхналогіі апрацоўкі.
Да апошніх гадоў Гольдшмід заставаўся актыўным у сферы моды — працаваў як кансультант і прадпрымальнік.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі37
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары