«У міліцыю адправіла мама». Мінскага студэнта ашукалі махляры і прымусілі стаць іх кур’ерам
22‑гадовы хлопец атрымаў званок ад «Водаканала» і прадыктаваў код з смс-паведамлення.
Затым яму патэлефанавалі і напалохалі крымінальнай адказнасцю за незаконныя банкаўскія аперацыі. Каб пазбегнуць пакарання, студэнт пагадзіўся выконваць патрабаванні куратараў, паведамляе мінская міліцыя.
Малады чалавек паехаў на таксі па трох адрасах і забраў грошы ў двух мужчын і дзяўчыны. Усе яны таксама сталі ахвярамі ашуканства і лічылі, што дэкларуюць свае грошы праз кур’ера Нацбанка.
Адзін з канвертаў з чужымі грашыма студэнт перадаў наступнаму пасярэдніку. А два іншыя вывез за мяжу.
Вярнуўшыся дадому ў Мінск, малады чалавек распавёў пра здарэнне маме. Жанчына здагадалася пра ашуканства і адразу параіла сыну звярнуцца ў міліцыю. Той і пайшоў у міліцыю.
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»20
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары