У Пінскім раёне адбылася небяспечная сітуацыя: мужчына пасадзіў лёгкі самалёт проста на лёд вадасховішча Пагост, дзе ў гэты момант знаходзіліся рыбакі. Відэа пасадкі з’явілася ў сацыяльных сетках, паведамляе прэс-служба Генеральнай пракуратуры.
Выпадак выявілі супрацоўнікі транспартнай пракуратуры Брэсцкай вобласці падчас маніторынгу інтэрнэту. На відэа было відаць, як самалёт прызямляецца на лядовую паверхню вадасховішча, нягледзячы на тое, што там былі людзі.
Праверка паказала, што ўладальнікам самалёта з’яўляецца жыхар Пінскага раёна, і ён свядома парушыў правілы. Палёт адбываўся без неабходнага дазволу на выкарыстанне паветранай прасторы. Больш за тое, самалёт не праходзіў тэхнічную праверку каля васьмі гадоў, а сам пілот не меў дзейнага сертыфіката лётнай прыдатнасці і адпаведнага пасведчання.
У выніку мужчыну прыцягнулі да адміністрацыйнай адказнасці. Яму прызначылі штраф сумай 20 базавых адзінак (на той момант гэта 900 рублёў). Дадаткова, па даручэнні пракуратуры, яго пакаралі яшчэ па іншым артыкуле — там прадугледжаны штраф да 30 базавых адзінак.
Цяпер чытаюць
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым8
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары