Напрыканцы кастрычніка 2025 года 43‑гадовы жыхар Наваполацка прыехаў у Верхнядзвінскі раён праведаць 42‑гадовага знаёмага. Там яны некалькі дзён разам выпівалі, распавядае СК.
Ужо ў лістападзе, падчас чарговага застолля, мужчыны пасварыліся. Госць схапіўся за нож і некалькі разоў ударыў гаспадара хаты. Пасля гэтага ён працягнуў піць і проста лёг спаць.
На наступны дзень мужчына заўважыў, што сябар не дыхае. Ён накрыў цела коўдрай і заставаўся ў хаце яшчэ каля сутак, а потым з'ехаў дадому.
Пакуль ён знаходзіўся ў адным пакоі з забітым, яму тэлефанавала маці загінулага — забойца супакойваў яе і ўгаворваў не прыязджаць.
Праз некалькі дзён жанчына, якая так і не змагла звязацца з сынам, прыехала да яго сама і знайшла яго мёртвым.
Следчыя, якія прыбылі на месца, пабачылі раскіданыя рэчы і раны на целе загінулага, якія сведчылі, што была бойка. Эксперты налічылі не менш за дванаццаць удараў, частка з якіх была нанесена нажом.
Падазраванага знайшлі і затрымалі. Сярод яго рэчаў адшукалі нож, экспертыза пацвердзіла: гэта кроў забітага сябра.
На допыце мужчына апраўдваўся, што не хацеў забіваць знаёмага, а ва ўсім вінаватая гарэлка.
Цяпер чытаюць
Хто той замежнік, які забіў жонку і згвалтаваў падчарыцу ў Добрушы13
Хто той замежнік, які забіў жонку і згвалтаваў падчарыцу ў Добрушы
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках88
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках8
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары