У Беларусі плануюць выкарыстоўваць сістэму са штучным інтэлектам, якая будзе папярэджваць кіроўцаў пра жывёл на дарогах. Гэта распрацоўка спецыялістаў прадпрыемства «Белсувязь». Яе галоўная мэта — зменшыць колькасць аварый, звязаных з выхадам дзікіх жывёл на праезную частку, паведамляе News.by.
Сістэма працуе з дапамогай інфрачырвоных датчыкаў і камер, якія навучаныя распазнаваць сілуэты жывёл. Калі побач з дарогай з’яўляецца звер, сістэма фіксуе гэта і перадае сігнал на дарожныя табло. У выніку кіроўцы атрымліваюць папярэджанне прыкладна за 250 метраў да небяспечнага ўчастка.
Тэхналогію ўжо пратэставалі ў Рэчыцкім раёне на трасе М-10, дзе часта сустракаюцца буйныя жывёлы. За час выпрабаванняў сістэма зафіксавала дзясяткі такіх выпадкаў, але аварый на гэтым участку не адбылося.
Зараз распрацоўшчыкі працягваюць удасканальваць сістэму, каб яна лепш працавала ў розных умовах надвор’я — падчас дажджу, снегу і туману.
У найбліжэйшы час такую сістэму плануюць усталяваць яшчэ на адной трасе ў Валожынскім раёне, а ў будучыні — пашырыць на іншыя дарогі краіны.
На якіх трасах у Беларусі часцей за ўсё адбываюцца ДТЗ з дзікімі жывёламі
З надыходам зімы ласі выходзяць на аўтатрасы, каб палізаць соль ВІДЭА
У Пухавіцкім раёне чалавек загінуў, спрабуючы размінуцца з казуляй
«Дарогу перайшлі тры зубры». Святар расказаў пра каляду, на якой «звяроў было больш за людзей»
Каментары