Беларускіх мам пужаюць успышкай поліяміеліту ў краіне. Ці сапраўды яна ёсць?
У сацсетках жанчыны абмяркоўваюць, што ім тэлефануюць з паліклінік і настойліва рэкамендуюць зрабіць дзецям прышчэпку ад поліяміеліту раней за графік.
Кагосьці пужаюць тым, быццам у краіне ўспышка гэтай вельмі небяспечнай хваробы (поліяміеліт можа прывесці да паралічу ці нават смерці). Камусьці проста кажуць, што цяпер ёсць добрая французская вакцына, а далей можа быць толькі расійская ды кітайская.
Згодна з нацыянальным планам прышчэпак, у Беларусі дзецям тры прышчэпкі ад поліяміеліту робяць да года, а рэвакцынацыю — у 7 гадоў. Пра тэлефонныя званкі з паліклінік распавядаюць маці дзяцей 2020 года нараджэння — ім зараз 5‑6 гадоў.
Педыятарка і дырэктарка Цэнтра сучаснай педыятрыі ў Мінску Надзея Дубатоўка ў сваім блогу піша, што ўспышкі цяпер няма. А сапраўдная прычына выклікаў у паліклінікі, мяркуе доктарка, — планавая рэвакцынацыя: «Наша краіна, як і ўвесь еўрапейскі рэгіён, з 2002 года афіцыйна сертыфікавана Сусветнай арганізацыяй аховы здароўя як тэрыторыя, свабодная ад поліяміеліту. Апошні выпадак захворвання, выкліканы мясцовым дзікім вірусам, рэгістраваўся яшчэ ў 1964 годзе».
Педыятарка падкрэслівае, што Беларусь змагла дамагчыся такога высокага статусу ў першую чаргу дзякуючы масавай вакцынацыі. Аднак глабальна вірус працягвае існаваць — і пакуль у свеце ёсць хаця б адно інфікаванае дзіця, рызыка завозу інфекцыі застаецца. Таму планавая рэвакцынацыя — адзіны спосаб захаваць бяспеку ў краіне.
Да 2016 года ў Беларусі выкарыстоўвалі камбінаваную схему: спачатку ўводзілі інактываваную вакцыну, а пасля для рэвакцынацыі выкарыстоўвалі жывую. Але пасля краіна стала выкарыстоўваць толькі інактываваную вакцыну. Гэта зрабілі для таго, каб прадухіліць рэдкія, але патэнцыйна магчымыя ўскладненні ад жывой вакцыны.
Надзея тлумачыць: у выпадку надзвычайнай сітуацыі ў краіне адбылася б экстранная імунізацыя, якая тычылася б усіх дзяцей, а не толькі 5-6-гадовых. Плюс абавязкова праводзіліся б аператыўныя расследаванні ўзнікнення хваробы (як гэта было напачатку з’яўлення кавіду ў Беларусі).
Пры сапраўднай успышцы поліяміеліту дактары тэрмінова пачалі б выкарыстоўваць менавіта жывую вакцыну, бо яна працуе хутчэй і эфектыўней.
Пры гэтым педыятарка кажа: калі зрабіць рэвакцынацыю дзіцяці раней за 7 гадоў, гэта яму не пашкодзіць і ніякіх праблем праз гэта не ўзнікне. Але тэрмінова прышчапляць дзіця неабавязкова — можна чакаць тых самых 7 гадоў.
Некаторыя спецыялісты кажуць, што прычына званкоў банальная. У гэты момант у Беларусі шмат вакцыны ад поліяміеліту, у якой заканчваецца тэрмін прыдатнасці.
У Англіі ўсплёск захворванняў на менінгіт сярод моладзі. Крыніца — начны клуб
Адзін назальны спрэй супраць грыпу, COVID і пнеўманіі? Вось што распрацавалі навукоўцы
«Не толькі ад грыпу або кавіду». Навукоўцы з ЗША распрацоўваюць універсальную вакцыну ад усіх тыпаў лёгачных інфекцый
У ганконгскага грыпу з'явілася новая разнавіднасць
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»42
Каментары
SARS-CoV1 прыйшоў у Беларусь у 2004-м-2005-м без будзь-якай рэкламы. Людзі проста паміралі ў пульманалогіях ад "глухой" пнеўманіі.
Пры што гаворыць руская дама ў краіне, з якой лезуць пад плот з Літвою мігранты?
Якія такія "аператыўныя расследванні ўзнікнення хваробы"?