Грамадства2121

Вядомая беларуская педыятарка Надзея Дубатоўка нарадзіла пятае дзіця ў Панаме

Надзея Дубатоўка — адна з самых медыйных беларускіх медыкаў. Яна з’яўляецца стваральніцай Цэнтра сучаснай педыятрыі ў Мінску, а таксама актыўна вядзе блог у інстаграме і мае 83500 падпісчыкаў. Нараджаць пятае дзіця жанчына паляцела ажно ў Панаму.

Надзея Дубатоўка. Тут і далей скрыншоты яе інстаграму

Чакаць нараджэння немаўляці паляцела ўся вялікая сям’я Надзеі — муж і чацвёра старэйшых дзяцей. Чакаючы важны дзень, усе атрымлівалі асалоду ад акіяну, цеплыні і экзатычнай садавіны. Сваё рашэнне блогерка-педыятарка растлумачыла так:

— Вось так мы вырашылі пачаць новую гісторыю сям'і. І паляцелі па пятую малечу у… Панаму. Чаму? Ды таму, што гэта прасцей, чым атрымаць італьянскую візу ў Беларусі. Вось і ўвесь сакрэт.

Яна адразу адказала хейтарам, якія час ад часу пішуць, што столькі дзяцей — гэта ўжо зашмат.

— Мне не зашмат пяць дзяцей. Адказна, складана, як заўгодна! Але ў іх і ёсць сэнс жыцця.

Блогерка таксама запэўніла, што яны з мужам змогуць усіх дзяцей не толькі пракарміць-апрануць, а яшчэ і «засаліць у акіяне і потым раскідаць па свеце па адукацыю».

Нядаўна Надзея паведаміла падпісчыцам, што пятая дзяўчынка нарадзілася. На наступны дзень пасля родаў маці з немаўлятам ужо выпісалі. І ў хуткім часе дзяўчынцы паказалі акіян.

Блогерка-педыятарка распавяла ў сторыс, што санітарныя нормы ў Панаме ніжэйшыя за беларускія. Але нараджаць тут ёй было больш камфортна, чым у любым з радзільных дамоў на радзіме (а жанчыне, якая нарадзіла ў Беларусі чатырох дзяцей, ёсць з чым параўноўваць).

Замежніцы могуць нараджаць у Панаме нават бясплатна, калі звярнуцца ў дзяржаўныя клінікі. Але Надзея хвалявалася, што там могуць быць не вельмі камфортныя ўмовы, таму вырашыла ўсё ж нараджаць у прыватнай клініцы.

На сайце клінікі Pacífica Salud, у якой нараджала Надзея Дубатоўка, пазначана, што базавы пакет «натуральныя роды» каштуе ад 750 да 1050 панамскіх бальбоа, а пакет «кесарава сячэнне» — ад 1295 да 1795 панамскіх бальбоа (у далярах гэта столькі ж). Але пазначана, што ў гэты прайс не ўключаны медыцынскія зборы і некаторыя дадатковыя паслугі і маніпуляцыі.

Цікавы момант: дзіця, народжанае ў Панаме, аўтаматычна атрымлівае грамадзянства гэтай краіны. Бацькі таксама маюць магчымасць атрымаць грамадзянства, але падаць дакументы могуць толькі пасля таго, як пражывуць у гэтай краіне 5 гадоў.

Але Надзея Дубатоўка супакоіла падпісчыц:

«Я нікуды не падзенуся і не прападу. Вось зараз адпачну і вярнуся».

Каментары21

  • Дзядзька ў Вільні
    08.08.2024
    Паскудства, брат, і не пытайся.
  • Патриотизм типа
    08.08.2024
    Боудзила, а не белоруска. Ради замежного гражданства готовы рожать черт знает где. Лишь бы потом было куда свалить. Патриотизм, любовь к родным осинам? Не, не слышали.
  • Сонейка
    08.08.2024
    Цудоўная доктарка:) вельмі за яе рада.

Цяпер чытаюць

Ці пагражае Крыму блакада праз паралізаваны Крымскі мост?10

Ці пагражае Крыму блакада праз паралізаваны Крымскі мост?

Усе навіны →
Усе навіны

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Крымскі мост зруйнаваны ўдарам украінскіх ракет51

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

«Госпадзе, такое трызненне!» Усё больш беларусак пішуць, што ім званілі з міліцыі і пыталіся, ці жывыя яны2

Падлеткі п'юць лекі ад раку, каб стаць вышэйшымі. Дактары б'юць трывогу

Нямецкія футбольныя клубы пачалі абмяжоўваць смартфоны на стадыёнах

Расія атакавала балістычнымі ракетамі Паўночны і Паўднёвы масты Кіева2

больш чытаных навін
больш лайканых навін

Ці пагражае Крыму блакада праз паралізаваны Крымскі мост?10

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць