Тое, што адбываецца, з’яўляецца кульмінацыяй складанага і працяглага перамоўнага працэсу паміж КДБ Беларусі і Агенцтвам разведкі Польшчы, які ажыццяўляўся па прамым даручэнні Лукашэнкі, піша БелТА.
Зазначаецца, што перамовы пачаліся яшчэ ў верасні 2025 года. Адпраўной кропкай для іх арганізацыі стаў зварот да Лукашэнкі асобных лідараў дружалюбных афіцыйнаму Мінску краін. Лукашэнка даў даручэнні Камітэту дзяржаўнай бяспекі і асабіста ўдзельнічаў у абмеркаванні дэталяў абмену падчас двухбаковых кантактаў з нашымі саюзнікамі.
У выніку аперацыі дзесяць грамадзян розных краін былі вызвалены і атрымалі магчымасць уз’яднацца з сем’ямі.
«Сярод вызваленых у тым ліку грамадзяне Беларусі, якія выконвалі асабліва важныя заданні ў інтарэсах забеспячэння нацыянальнай бяспекі і абараназдольнасці нашай краіны. Лёс гэтых людзей на ўсіх этапах іх дзейнасці знаходзіцца на асаблівым кантролі ў Аляксандра Лукашэнкі», — паведаміла БелТА.
З улікам асабістай просьбы да Лукашэнкі маці Анджэя Пачобута, які адбывае пакаранне за здзяйсненне шэрагу асабліва цяжкіх злачынстваў, а таксама Анжалікі Борыс, Лукашэнка даручыў КДБ уключыць асуджанага ў гэты абменны працэс.
Цяпер чытаюць
На «Гродна Азоце» скончыў жыццё самагубствам намеснік начальніка цэха1
На «Гродна Азоце» скончыў жыццё самагубствам намеснік начальніка цэха
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары