Свет

Да новага санкцыйнага пакета Еўрасаюза супраць Расіі і Беларусі далучыліся яшчэ 8 краін

Да санкцый далучыліся Албанія, Боснія і Герцагавіна, Ісландыя, Ліхтэнштэйн, Нарвегія, Паўночная Македонія, Украіна і Чарнагорыя. Усе яны прыводзяць сваю палітыку ў адпаведнасць з рашэннямі ЕС адносна Беларусі, паведамілі ў Еўрапейскай радзе.

Здымак ілюстрацыйны. Фота: vecteezy.com

Гаворка ідзе пра 20‑ты пакет санкцый, прыняты ў канцы красавіка 2026 года. Адначасова Еўрасаюз падоўжыў дзеянне абмежаванняў супраць Беларусі як мінімум да канца лютага 2027 года.

У новым пакеце санкцый пад абмежаванні трапіла Беларуская нафтавая кампанія (БНК). У ЕС заявілі, што кампанія звязаная з беларускімі ўладамі, бо яе кіраўніцтва прызначаецца Аляксандрам Лукашэнкам.

Таксама санкцыі ўвялі супраць кампаніі «Волат-Саньцзян», якая выпускае колавыя шасі для вайсковай тэхнікі, у тым ліку для рэактыўных сістэм залпавага агню. Пад абмежаванні трапіла і кітайская кампанія China Space Sanjiang Group, якая супрацоўнічае з беларускім вайскова-прамысловым комплексам.

Асобны пункт санкцый тычыцца беларускага лічбавага рубля. Еўрасаюз забараніў сваім грамадзянам і кампаніям праводзіць аперацыі з гэтай сістэмай, нават нягледзячы на тое, што яна яшчэ не была поўнасцю запушчаная.

Цяпер еўрапейскім арганізацыям, бізнесу і фізічным асобам забаронена ўзаемадзейнічаць з платформамі і структурамі, звязанымі з разлікамі ў беларускім лічбавым рублі.

Каментары

Цяпер чытаюць

Від на Каложскую царкву безнадзейна сапсаваны13

Від на Каложскую царкву безнадзейна сапсаваны

Усе навіны →
Усе навіны

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой57

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін10

Навукоўцы прыдумалі аднаразовыя кубачкі для кавы без кроплі пластыку2

больш чытаных навін
больш лайканых навін

Від на Каложскую царкву безнадзейна сапсаваны13

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць