У новы санкцыйны пакет Украіны ўвайшлі 11 беларускіх прадпрыемстваў і 16 грамадзян Беларусі. Сярод іх Шэйман і сыны Лукашэнкі
Пад абмежаванні, якія 29 красавіка зацвердзіў прэзідэнт Украіны Уладзімір Зяленскі, трапілі як прадпрыемствы беларускага ВПК, так і асобы, датычныя яго ці ўвогуле набліжаныя да Аляксандра Лукашэнкі.
Санкцыі ўведзеныя супраць прадпрыемстваў, якія, паводле інфармацыі ўкраінскага боку, вырабляюць артылерыйскія снарады калібраў 122 мм і 152 мм для расійскіх войскаў. Сярод іх названыя магілёўскі завод «Ольса», мінскі завод «Тэрмапласт», Жодзінскі кавальскі завод цяжкой штампоўкі, якія выпускаюць дэталі для боепрыпасаў.
Таксама санкцыі ўведзеныя супраць прадпрыемства «ІК-9» з Горак, якое вырабляе ўпакоўку для снарадаў, і бабруйскай кампаніі «НафтаХімДыягностыка», дзе, як сцвярджаецца, праводзяцца выпрабаванні боепрыпасаў.
Абмежаванні закранулі і Віцебскі завод электравымяральных прыбораў, які, паводле паведамленняў, пастаўляе абсталяванне для рамонту і мадэрнізацыі расійскай бранятэхнікі, а таксама ашмянскае прадпрыемства «Радыётэхніка», што вырабляе кампаненты для вайсковай тэхнікі.
Акрамя таго, санкцыі распаўсюджаныя на Мінскі завод цывільнай авіяцыі № 407, які займаецца рамонтам расійскіх самалётаў сямействаў «Ту», «Як» і «Іл».
Трапіў пад санкцыі таксама Барысаўскі завод пластмасавых вырабаў і мінскія прадпрыемствы «Чып і Дзіп» і «407 Тэхнікс».
Сярод фізічных асоб у спісе — Віктар Шэйман, які, як сцвярджаецца, удзельнічаў у міждзяржаўных перамовах, ценявых бізнэс-схемах і арганізацыі абыходу міжнародных санкцый. Ён ужо знаходзіцца пад санкцыямі ЗША, ЕС, Вялікабрытаніі, Швейцарыі і Канады.
Таксама пад санкцыі трапілі Віктар і Дзмітрый Лукашэнкі — сыны Аляксандра Лукашэнкі. Украінцы сцвярджаюць, што яны датычныя да экспарту прадукцыі ў абыход міжнародных абмежаванняў, паставак тавараў падвоенага прызначэння і рээкспарту праз тэрыторыю Беларусі.
Іншыя асобы, якія згадваюцца ў дакументах — Дзмітрый Баразноў, Максім Карпыза, Дзмітрый Кісель, Аляксандр Маркоўскі, Павел Муравейка, Аляксандр Рахманаў, Аляксандр Салдаценка, Аляксей Сушкевіч, Максім Сырай, Дзмітрый Чэрай, Аляксандр Шалянгоўскі, Наталля Шкет і Станіслаў Яраховіч.
Зяленскі заявіў пра падпісанне санкцыйнага пакета, у тым ліку і супраць суб'ектаў з Беларусі
Бяляцкі: Санкцыі здымаць не пара, пакуль ідзе вайна і працягваюцца рэпрэсіі
Андрэева: Калеснікаву купілі за «Беларуськалій», мяне за зняццё санкцый з банкаў. Калі б санкцый не было, за што б нас куплялі?
У санкцыйны спіс ЕС уключылі Беларускую нафтавую кампанію і «Волат-Санцзян»
Цяпер чытаюць
У Еўрасаюзе 550 тысяч беларусаў з дазволамі на жыхарства4
Каментары
и Украина должна была знать, что юрлица ИК не имеют к этому отношения. промзоны ИК регистрируются на отдельные юрлица, которые меняются примерно раз в 2 года. какой смысл включать ИК в санкции за ящики?
санкции надо применять ко всему ДИН РБ, оно управляет всеми ИК и промзонами.