Прэзідэнт Украіны Уладзімір Зяленскі адрэагаваў на словы салідарнасці, якія лідарка беларускіх дэмакратычных сіл Святлана Ціханоўская апублікавала ў сацыяльнай сетцы X пасля маштабнай расійскай атакі.
У сваім пасце Святлана Ціханоўская асудзіла чарговы акт агрэсіі і нагадала пра ролю мінскага рэжыму:
«Мае думкі — з жыхарамі Кіева і ўсімі ўкраінцамі пасля масіраванай начной атакі. Гэты расійскі тэрор супраць мірнага насельніцтва, які ажыццяўляецца пры спрыянні рэжыму Лукашэнкі, павінен быць самым рашучым чынам асуджаны. Украіна мае патрэбу ў большай падтрымцы. Злачынныя агрэсары павінны быць прыцягнуты да адказнасці».
У адказ на гэты допіс Уладзімір Зяленскі коратка падзякаваў беларускай лідарцы:
«Дзякуй за вашу падтрымку!»
У ноч на 24 мая Расія нанесла камбінаваны ўдар па Украіне, выпусціўшы 90 ракет і 600 дронаў. Самы моцны ўдар прыйшоўся на Кіеў і Кіеўскую вобласць, у выніку чаго пацярпелі больш за 80 чалавек, загінулі мірныя жыхары.
Зяленскі рэзка пракаментаваў маштабны начны ўдар па Украіне.
Ён падкрэсліў, што гэтыя дзеянні Масквы павінны сустрэць жорсткі адказ міжнароднай супольнасці, і заклікаў свет да актыўнай падтрымкі: «Сёння кожны ў свеце, хто не прамаўчыць, хто будзе дапамагаць Украіне, з'яўляецца абаронцам жыцця», — сказаў ён.
-
КДБ прыходзіў да родных яшчэ аднаго віцебскага актывіста. Правялі ператрус
-
«Гэта пачуццё шчаслівага жыцця». Як больш за 40 тысяч чалавек плакалі, спявалі і абдымаліся на канцэрце Макса Каржа ў Бухарэсце
-
VIP-зала, фудкорты і планетарый. Найстарэйшы кінатэатр Магілёва ў стылі канструктывізму закрылі на рэканструкцыю
Цяпер чытаюць
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць4949
Каментары