У Салечніцкім раёне літоўскія праваахоўнікі выкрылі буйны канал кантрабанды з Беларусі і затрымалі трох чалавек. Аперацыя адбылася 19 мая, паведамляе Літоўская паліцыя.
Супрацоўнікі крымінальнай паліцыі разам з іншымі падраздзяленнямі выявілі ў лясным масіве каля вёскі Навасёлкі (Naujasodis) падазроныя аўтамабілі, падрыхтаваныя для перавозкі нелегальнага грузу. Побач знайшлі 24 скрынкі цыгарэт з беларускімі акцызнымі маркамі.
Паводле інфармацыі следства, кантрабанду дастаўлялі ў Літву з дапамогай метэаралагічных паветраных шароў.
Двух падазраваных затрымалі ў лесе адразу, трэці спачатку ўцёк, але пазней сам з’явіўся ў паліцыю.
Падчас ператрусаў у машынах і жыллі фігурантаў знайшлі:
- каля 12 тысяч пачкаў цыгарэт NZ (на суму прыкладна 65 тысяч еўра);
- GPS-прылады;
- абсталяванне для блакавання сувязі;
- прыборы начнога бачання,
- тэлефоны, камп’ютары і наяўныя грошы.
Супраць затрыманых распачалі крымінальную справу за кантрабанду і незаконны абарот акцызных тавараў. Ім пагражае да 8 гадоў пазбаўлення волі. Суд ужо заключыў усіх траіх пад варту на 3 месяцы.
У Літве па справе аб кантрабандзе затрыманы 27 чалавек, сярод іх — 13 супрацоўнікаў сілавых структур
У Літве затрымалі мужчыну, які прыйшоў забраць цыгарэты, перапраўленыя шарам з Беларусі
Літва перадала ў Міжнародную арганізацыю цывільнай авіяцыі дадатковыя доказы правядзення Беларуссю гібрыдных атак
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары