8 чэрвеня на поўдні Філіпін адбыўся землятрус магнітудай 7,8. Гэта самы магутны землятрус, які закрануў астраўную дзяржаву сёлета.
Паводле паведамленняў СМІ, у выніку стыхіі загінулі як мінімум 19 чалавек, больш за 130 атрымалі раненні, яшчэ 7 лічацца зніклымі без вестак.
Стыхія закранула востраў Мінданаа. У яго паўночнай і цэнтральнай частках пашкоджаныя дзясяткі будынкаў, у тым ліку школы, бальніцы і жылыя дамы.
Папярэджанні пра магчымае цунамі былі абвешчаныя на Філіпінах, у Інданезіі і Японіі. Пазней былі зафіксаваныя хвалі вышынёй ад некалькіх сантыметраў да паўтара метра.
Філіпіны лічацца адной з найбольш уразлівых да стыхійных бедстваў краін свету. З-за размяшчэння ў зоне Ціхаакіянскага агнявога кольца краіна рэгулярна сутыкаецца з землятрусамі і вулканічнай актыўнасцю.
Ціхаакіянскае агнявое кольца — гэта сейсмічны пояс, які цягнецца ўздоўж узбярэжжаў Ціхага акіяна ад Паўднёвай Амерыкі да Далёкага Усходу і з'яўляецца адной з самых актыўных у свеце зон землятрусаў і вывяржэнняў вулканаў.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі58
Каментары