Кіраўніца Еўракамісіі Урсула фон дэр Ляен у аўторак прэзентавала 21‑ы пакет антываенных санкцый у дачыненні да Расіі, піша DW.
У яго ўваходзіць забарона на ўезд на тэрыторыю Еўрапейскага саюза для ўдзельнікаў вайны Расіі супраць Украіны. Еўракамісія прапануе забараніць уезд у ЕС усім, хто служыў у расійскіх узброеных сілах з пачатку поўнамаштабнай вайны супраць Украіны.
«Еўропа застаецца закрытай для ўсіх, хто ўдзельнічаў ва ўварванні ва Украіну», — заявіла фон дэр Ляен, выступаючы перад журналістамі.
Іншыя абмежаванні павінны закрануць энергетыку, фінансавы сектар, гандаль і ўпершыню — рыбалку.
«Мэта нашага пакета абсалютна ясная: мы хочам у поўнай меры захаваць інтэнсіўнасць нашых санкцый», — удакладніла Урсула фон дэр Ляен. Па яе словах, дзеючыя абмежавальныя меры ўжо ціснуць на расійскую эканоміку: даходы РФ ад энерганосьбітаў на пачатку 2026 года зменшыліся прыкладна на 40 працэнтаў.
У энергетычным сектары Еўракамісія прапануе дадаць у санкцыйны спіс яшчэ 30 судоў расійскага «ценявога флоту» — у дадатак да 632, якія ўжо трапілі пад абмежаванні. Упершыню ЕС таксама мае намер увесці меры супраць судоў, якія дапамагаюць «ценявому флоту», напрыклад, выконваючы паслугі запраўкі. Пад абмежаванні могуць патрапіць і аб’екты інфраструктуры, звязаныя з гандлем і перапрацоўкай расійскай нафты.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта5
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары
А што здарылася, на чацвёртым годзе вайны? Вочы адчыніліся ці што?