Kiraŭnica Jeŭrakamisii Ursuła fon der Lajen u aŭtorak prezientavała 21‑y pakiet antyvajennych sankcyj u dačynieńni da Rasii, piša DW.
U jaho ŭvachodzić zabarona na ŭjezd na terytoryju Jeŭrapiejskaha sajuza dla ŭdzielnikaŭ vajny Rasii suprać Ukrainy. Jeŭrakamisija prapanuje zabaranić ujezd u ES usim, chto słužyŭ u rasijskich uzbrojenych siłach z pačatku poŭnamaštabnaj vajny suprać Ukrainy.
«Jeŭropa zastajecca zakrytaj dla ŭsich, chto ŭdzielničaŭ va ŭvarvańni va Ukrainu», — zajaviła fon der Lajen, vystupajučy pierad žurnalistami.
Inšyja abmiežavańni pavinny zakranuć enierhietyku, finansavy siektar, handal i ŭpieršyniu — rybałku.
«Meta našaha pakieta absalutna jasnaja: my chočam u poŭnaj miery zachavać intensiŭnaść našych sankcyj», — udakładniła Ursuła fon der Lajen. Pa jaje słovach, dziejučyja abmiežavalnyja miery ŭžo cisnuć na rasijskuju ekanomiku: dachody RF ad enierhanośbitaŭ na pačatku 2026 hoda źmienšylisia prykładna na 40 pracentaŭ.
U enierhietyčnym siektary Jeŭrakamisija prapanuje dadać u sankcyjny śpis jašče 30 sudoŭ rasijskaha «cieniavoha fłotu» — u dadatak da 632, jakija ŭžo trapili pad abmiežavańni. Upieršyniu ES taksama maje namier uvieści miery suprać sudoŭ, jakija dapamahajuć «cieniavomu fłotu», naprykład, vykonvajučy pasłuhi zapraŭki. Pad abmiežavańni mohuć patrapić i abjekty infrastruktury, źviazanyja z handlem i pierapracoŭkaj rasijskaj nafty.
Ciapier čytajuć
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary
A što zdaryłasia, na čaćviortym hodzie vajny? Vočy adčynilisia ci što?