У Гомелі майстар-рамеснік стварыў падвеску-абярэг з выявай гомельскага цмока
У Гомелі мясцовы майстар сярэднявечных рамёстваў Сяргей Клімовіч стварыў падвеску-абярэг з выявай гомельскага цмока — міфічнай істоты, якая стала адным з неафіцыйных сімвалаў горада, паведамляюць «Гомельские ведомости».
Майстар ужо больш за трыццаць гадоў займаецца аднаўленнем старажытных металічных упрыгожанняў і стараецца дакладна перадаць іх знешні выгляд, сімволіку і дух мінулых эпох. У сваёй працы ён выкарыстоўвае розныя ювелірныя тэхнікі, дзякуючы чаму ягоныя вырабы набліжаныя да сапраўдных гістарычных артэфактаў.
Нядаўна Сяргей Клімовіч зрабіў дакладную копію старажытнай падвескі-абярэга, якая звязаная з першым жыхаром Гомеля. Менавіта гэты вобраз быў выкарыстаны ў скульптуры, якая знаходзіцца на гарадской набярэжнай. Паводле слоў майстра, гомельскі цмок з’яўляецца адным з самых вядомых гарадскіх вобразаў.
Прататыпам для сучаснай працы стаў унікальны археалагічны артэфакт, знойдзены падчас раскопак на тэрыторыі сучаснага Гомеля. Пазней скульптар Вячаслаў Далгоў выкарыстаў гэты старажытны малюнак пры стварэнні скульптурнай кампазіцыі. Сяргею Клімовічу захацелася перанесці гэты сімвал на метал, каб жыхары горада і турысты маглі не толькі ўбачыць яго, але і трымаць у руках ці набыць як памятны сувенір, звязаны з гісторыяй Гомеля.
У асноўны час Сяргей Клімовіч працуе ў Гомельскім абласным цэнтры алімпійскага рэзерву па прыкладных відах спорту. Аднак у вольны час ён займаецца творчасцю і ўжо каля пятнаццаці гадоў працуе як рамеснік у творчай майстэрні «Берагіня».
Нацыянальны мастацкі музей набыў слуцкі пояс даўжынёй больш за чатыры метры
З двузубам Рурыкавічаў на сценах. Знойдзены на Новым замку ў Гродне храм ХІІ стагоддзя адразу ж закапалі
Скарына як макулатура. Пра што сведчаць аркушы беларускага друкара ўнутры чужога пераплёту?
Дом рамесніка ў Паставах прадалі на аўкцыёне значна даражэй за першапачатковую цану
Прапагандысты запэўніваюць, што 196 палітвязняў ужо на свабодзе9
Каментары