Былому прэзідэнту Арменіі Роберту Качарану забаранілі пакідаць краіну
Раней Самвелу Карапецяну і Гагіку Царукяну таксама забаранілі пакідаць краіну ў сувязі з распачатымі супраць іх крымінальнымі справамі.
Былому прэзідэнту, лідару альянсу «Арменія» Роберту Качарану забаранілі пакідаць краіну. З сувязі з чым прынята рашэнне, невядома.
Кіраўнік офіса Качарана Баграт Мікаян заявіў, што лічыць яго «незаконным і неабгрунтаваным». Па яго словах, прэм’ер-міністр Арменіі Нікол Пашынян ператварыў краіну ў «канцлагер».
Качаран 14 чэрвеня ў фэйсбуку пісаў, што вылятае з краіны з трохдзённым візітам, які, па яго словах, мае асабісты характар і быў запланаваны даўно, але адкладваўся з-за «шчыльнага перадвыбарчага графіка». Ён адзначыў, што і раней здзяйсняў паездкі, але ў гэты раз вырашыў загадзя паведаміць пра яе з-за фэйкаў, якія апошнім часам «распаўсюджваюцца ўладамі адносна паездак прадстаўнікоў апазіцыі».
Пашынян нядаўна заявіў, што народ патрабуе «паставіць на калені трохгаловую мафію, знішчыць яе, і гэта непазбежна павінна адбыцца». Пад «трохгаловай мафіяй», як тлумачыць армянская служба Радыё Свабода, ён мае на ўвазе сваіх апанентаў — Роберта Качарана, Самвела Карапецяна («Моцная Арменія») і Гагіка Царукяна («Квітнеючая Арменія»). Карапецяну і Царукяну раней забаранілі пакідаць краіну ў сувязі з распачатымі супраць іх крымінальнымі справамі.
На парламенцкіх выбарах, што прайшлі 7 чэрвеня, блок Качарана, атрымаў 9,9 працэнта галасоў.
Ураджэнец Сцяпанакерта Роберт Качаран быў першым прэзідэнтам Нагорнага Карабаха (1994—1997) і прэзідэнтам Арменіі з 1998 па 2008 год. Таксама ў свой час ён прэм'ерам у Нагорным Карабаху і Арменіі.
Цяпер чытаюць
Дэпутатка, якая рыхтуе прыгажунь для Лукашэнкі, выйшла замуж16
Каментары