21‑гадовага хлопца спачатку падманулі па схеме «замены дамафонаў».
Пасля чаго яму патэлефанавалі нібыта ад імя Беларускай дзяржаўнай інспекцыі электрасувязі і паведамілі, што махляры атрымалі доступ да міжбанкаўскай лічбавай сістэмы і завалодалі асабістымі данымі, паведамляе «Міліцыя Мінска»
Ён паверыў, што ад яго імя аформлены злачынныя крэдыты, і ў сувязі з гэтым будзе распачатая крымінальная справа.
Каб атрымаць станоўчую характарыстыку ад нібыта праваахоўніка, мужчыну прапанавалі выконваць заданні: дапамагаць іншым ахвярам махляроў у дэклараванні грошай.
Па ўказаннях зламыснікаў мінчук забраў грошы па чатырох адрасах і вывез іх у суседнюю дзяржаву.
Вярнуўшыся ў Мінск, ён расказаў пра ўсё свайму знаёмаму, а той растлумачыў, што хлопец стаў ахвярай падману, таму ён сам пайшоў у міліцыю.
Распачатая крымінальная справа, праверка працягваецца.
Каментары