Беларуска будавала ў Расіі кватэру, але фармальна аформіла іпатэку на стрыечную сястру. І засталася ля разбітага карыта
Сястра-расіянка — гаспадыня на паперы — прадала кватэру, а даверлівую беларуску з малым дзіцём выставіла на мароз.
Беларуска А. Марозава (Пашко) 11 гадоў таму па запрашэнні стрыечнай сястры Кацярыны Дудкінай пераехала ў расійскае Іванава. Там яна ўладкавалася майстрам манікюру ў салоне прыгажосці, які належаў сястры.
У Марозавай заставалася беларускае грамадзянства, таму яна не магла аформіць іпатэку на сябе. І дамовілася з сястрой — хай іпатэка будзе на яе, расіянку, а плаціць будзе беларуска. А як цалкам заплаціць крэдыт, то атрымае кватэру ў сваю ўласнасць.
Дудкіна пагадзілася. У выніку Марозава з 2018 па 2023 год пералічыла сястры каля $20 тысяч у кошт крэдыту. Таксама яна рэгулярна плаціла за камуналку і зрабіла рамонт коштам, як яна сцвярджае, больш за $9 тысяч.
Праблемы пачаліся, калі беларуска атрымала расійскі пашпарт. Сястра пад рознымі падставамі зацягвала пераафармленне кватэры, а ў канцы 2023 года заявіла, што крэдыт цалкам пагашаны, і запатрабавала вызваліць жыллё. Марозава адмовілася і спачатку паспрабавала аспрэчыць у судзе сам крэдытны дагавор, але прайграла: суд пастанавіў, што дамовы з банкамі былі заключаны менавіта Дудкінай і яе мужам, а не ў інтарэсах Марозавай.
Пасля гэтага Дудкіна прадала кватэру сваёй маці, А. Сядлецкай, за прыкладна за $72 тысячы. А тая звярнулася ў суд з пазовам аб высяленні беларускі і яе малой дачкі. У сваю чаргу Марозава патрабавала прызнаць гэты продаж кватэры фіктыўнай здзелкай.
Сведкі ў судзе пацвердзілі, што паміж сёстрамі была дамоўленасць, што фармальна іпатэку аформяць на Дудкіну, а плаціць будзе Марозава, і што менавіта Марозава рабіла рамонт у кватэры. Аднак суд палічыў гэта недастатковым: пры куплі-продажу нерухомасці патрэбная пісьмовая форма дамовы, вусныя дамоўленасці і факт унясення плацяжоў трэцяй асобай самі па сабе не ствараюць права ўласнасці.
У выніку беларуску выселілі. Кватэра засталася ва ўласнасці маці Дудкінай.
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары