Хрэнін заявіў, што Беларусь не ўзводзіць умацаваных раёнаў на мяжы з Украінай
Міністр абароны назваў такія паведамленні вайной у інфармацыйнай прасторы, якая вядзецца супраць Беларусі.
Міністр абароны Віктар Хрэнін у размове з журналістамі абвергнуў інфармацыю, што беларускі бок нібыта ўзводзіць фартыфікацыйныя збудаванні на мяжы з Украінай, піша БелТА.
Віктар Хрэнін назваў «такога роду ўкіды» вайной у інфармацыйнай прасторы, якая вядзецца супраць Беларусі.
«Мы гэта, вядома, чулі і глядзім на гэта з усмешкай. Тыя заявы, што мы рыхтуем нейкія абарончыя раёны… Мы выдатна разумеем, што гэта робіцца толькі з адной мэтай: стварыць напружанне ў нашым грамадстве, ды і ва ўкраінскім таксама, убіваючы клін і робячы з нас лютых ворагаў. Гэта не адпавядае ніякай рэчаіснасці», — падкрэсліў ён.
Міністр нагадаў, што раней Лукашэнка даў даручэнне абсталяваць умацаваныя раёны ўздоўж межаў Беларусі.
«Гэта даручэнне выканана. Пяць умацаваных раёнаў уздоўж заходняй і паўночнай межаў абсталяваныя, ідзе іх актыўнае ўдасканаленне. На паўднёвай мяжы і ў планах нават няма стварэння нейкіх умацаваных раёнаў, абарончых рубяжоў», — сказаў ён.
-
«Беларусь — найлепшая краіна. Але трэба падрыхтавацца». Мужчына чысціў тэлефон, але яго з сям'ёй усё роўна затрымалі на мяжы
-
«Не спадабаліся прадукты на паліцы — і пішуць туды эсэмэску». МУС назвала Threads пагрозай бяспецы і заявіла пра затрыманні
-
Таксістам загадалі тэрмінова зняць усю рэкламу казіно і букмекераў з бартоў машын
«Не спадабаліся прадукты на паліцы — і пішуць туды эсэмэску». МУС назвала Threads пагрозай бяспецы і заявіла пра затрыманні13
Каментары