У Брэсце чачэнец абрабаваў зімбабвійца. Беларус дапамагаў рабаваць, але кашалёк вярнуў
Ахоўнік караоке-клуба «Жэмчуг» не пусціў афрыканца ўнутр, а праз дзесяць хвілін разам са знаёмым дагнаў яго на вуліцы.
9 красавіка 2023 года каля 5:20 раніцы да ўвахода ў брэсцкі караоке-клуб «Жамчуг» падышоў грамадзянін Зімбабвэ. Каля дзвярэй стаялі двое п'яных мужчын — ахоўнік гэтага ж клуба, які ў той дзень адпачываў, і яго знаёмы чачэнец Шаміль Біціеў. Ахоўнік узяў зімбабвійца за рукаў і не пусціў у клуб. Той пайшоў у бок інтэрната.
Праз дзесяць хвілін абодва селі ў джып Grand Cherokee, за рулём якога быў яшчэ іх знаёмы. Паводле паказанняў кіроўцы, у машыне Біціеў «прапанаваў знайсці негра». Калі пабачылі зімбабвійца на пешаходнай дарожцы, пабеглі за ім.
Афрыканец стаў уцякаць і клікаць на дапамогу, але яго дагналі. Чачэнец зняў з яго куртку і дастаў з кішэняў пашпарт, расчоску і кашалёк. Пашпарт вярнуў. Кашалёк перадаў ахоўніку, той дастаў адтуль дзве купюры па 50 рублёў і вярнуў кашалёк.
У выніку забралі цёмна-сінюю куртку за 100 рублёў, расчоску за 15 рублёў і 100 рублёў грашыма — разам на 215 рублёў.
Кіроўца ўвесь час сядзеў у машыне і здымаў тое, што адбывалася, на тэлефон. Запіс працягласцю каля дзвюх з паловай хвілін стаў доказам у справе разам з відэа з камер караоке-клуба і суседняга будынка. У 5:46 афрыканец пазваніў у міліцыю.
Ахоўніка судзілі ў Брэсце. Ён быў прызнаны вінаватым па ч. 2 арт. 206 Крымінальнага кодэкса — грабеж, учынены групай асоб — і атрымаў тры месяцы арышту. Расавы матыў у справе не разглядаўся, хоць у беларускім кодэксе гэта самастойная кваліфікуючая прыкмета.
А вось Шаміль Біціеў паспеў уцячы. Па словах яго маці, у канцы яе сын з'ехаў у Турцыю, адтуль у Харватыю, а пасля ў Аўстрыю, дзе знаходзіцца цяпер.
У красавіку 2026 года Біціева асудзілі завочна ў Чачні — яму далі 1 год калоніі.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары