У сваіх роліках Андрэй Нікіцін падтрымлівае Лукашэнку і нападае на апазіцыю і краіны Захаду.
Блогер Андрэй Нікіцін абараняе Лукашэнку, крытыкуе апазіцыю і Захад, а дзяржаўная прэса ставіць яго ў прыклад. Аднак суд Лоеўскага раёна занёс яго акаўнт у спіс «экстрэмісцкіх матэрыялаў».
Рашэнне аб прызнанні «экстрэмісцкай» інфармацыйнай прадукцыі тыкток-акаўнта «Тот самый Белорус» суд Лоеўскага раёна прыняў 31 жніўня. На гэта звярнуў увагу рэсурс «Витебск, я гуляю!».
Старонка належыць Андрэю Нікіціну з Мазырскага раёна. На момант прызнання экстрэмісцкай яна мела 37,3 тысячы падпісчыкаў.
У сваіх роліках Нікіцін падтрымлівае Лукашэнку, нападае на апазіцыю і краіны Захаду, а таксама паўтарае афіцыйную версію падзей 2020 года.
У лютым 2024 года дзяржаўная «СБ» прысвяціла Нікіціну вялікі хвалебны матэрыял. Блогера называлі «байцом інфармацыйнага фронту», «нязломным і бескампрамісным» і расказвалі, як ён дапамагае фарміраваць інфармацыйны парадак дня.
Магчыма, суд і пракуратуру збілі з панталыку іранічныя загалоўкі яго ролікаў: «Як рэжым Лукашэнкі здзекуецца з беларусаў», «Давёў Лукашэнка Беларусь», «Як беларусы жывуць у такой дыктатуры». Самі відэа пры гэтым усхваляюць беларускія ўлады.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў18
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары