Гродзенскі аэрапорт абяцаюць адкрыць гэтай зімой. Куды могуць лятаць?
У аэрапорце Гродна скончылі абнаўляць узлётна-пасадачную паласу і рыхтуюцца ўсталяваць новае навігацыйнае абсталяванне.
Таргі на закупку навігацыйнага абсталявання ўжо правялі, даставіць яго павінны ўвосень. Пасля ўсталявання застанецца вырашыць тэхнічныя пытанні і ўвесці сістэму ў эксплуатацыю.
«Я ўпэўнены, аэрапорт адкрыецца найбліжэйшай зімой. Задача — прыцягнуць аператараў і авіякампаніі, якім будзе эканамічна мэтазгодна лётаць у Гродна», — заявіў старшыня Гродзенскага гарвыканкама Андрэй Хмель.
Пакуль рэгулярныя маршруты і перавозчыкі не вызначаныя. Улады разглядаюць рэйсы ў Маскву, Санкт-Пецярбург і Калінінград. У перспектыве з Гродна таксама могуць запусціць чартарныя рэйсы на курорты.
Каментары
А вось на якiсь Тэнерыфе можна круглы год скокнуць на тыдзянёк .