У Польшчы ў заблакаваную на чыгуначным пераездзе фуру на хуткасці ўляцеў цягнік ВІДЭА
У Гданьску фура аказалася заблакаванай паміж шлагбаумамі на чыгуначным пераездзе. Неўзабаве ў яе на вялікай хуткасці ўрэзаўся пасажырскі цягнік. Момант аварыі зафіксавалі камеры відэаназірання, піша rmf24.pl.
Па інфармацыі паліцыі, відавочцы заклікалі кіроўцу прабіць шлагбаум і вызваліць чыгуначныя рэйкі, але мужчына занадта позна на гэту слушную параду адрэагаваў.
Kolejny z prawem jazdy za czapkę gruszek kierowca TIRa zlekceważył sygnalizację informującą o zbliżeniu się pociągu i spanikował zatrzymując się przed rogatką na przejeździe kolejowym. Brak słów na skrajną bezmyślność w tym przypadku. Na linii kolejowej z Tczewa do Gdańska… pic.twitter.com/8MsEdt0P3c
42‑гадовы кіроўца фуры, грамадзянін Босніі і Герцагавіны, пасля сутыкнення сам выбраўся з кабіны. Праверка на алкаголь паказала, што ён быў цвярозы. Мужчыну даставілі ў бальніцу для абследавання.
Нязначныя траўмы атрымалі таксама машыніст і двое пасажыраў цягніка. Медыкі аказалі ім дапамогу на месцы. Усяго ў цягніку знаходзілася каля 300 чалавек.
Аварыя сур'ёзна паўплывала на рух цягнікоў у рэгіёне: затрымкі ўзніклі ў 279 цягнікоў. Папярэднія матэрыяльныя страты чыгуначнай інфраструктуры ацэньваюць прыкладна на 140 тысяч злотых, ці каля 38 тысяч даляраў.
Каментары