21 верасня Аляксандр Лукашэнка павіншаваў прэзідэнта Расіі Уладзіміра Пуціна з паспяховым правядзеннем адзінага дня галасавання.
У віншаванні Лукашэнка адзначыў беспрэцэдэнтную актыўнасць мільёнаў выбарцаў і пацверджаную галоўнай пуцінскай партыяй «Адзіная Расія» канстытуцыйную большасць у Дзяржаўнай думе. Паводле яго версіі, гэта стала адказам на спробы звонку дыскрэдытаваць выбарчую кампанію і ўнесці раскол у расійскае грамадства.
Лукашэнка заявіў, што вынікі выбараў, на яго думку, сведчаць пра прыхільнасць расіян да вызначанага Уладзімірам Пуціным курсу на стабільнае развіццё Расіі як моцнай дзяржавы, адкрытай да партнёрства і супрацоўніцтва.
Адпаведна з гэтым ён пажадаў Уладзіміру Пуціну рэалізацыі ўсіх сваіх добрых намераў на карысць Расіі.
Паводле папярэдніх падлікаў, «Адзіная Расія» можа атрымаць ад 348 да 356 месцаў у Дзярждуме новага склікання. Гэта стане найбуйнейшым прадстаўніцтвам партыі ў парламенце за ўсю яе гісторыю.
Пасля апрацоўкі 97,37% пратаколаў «Адзіная Расія» набірае па партыйных спісах 57,96% галасоў і лідзіруе ў 209 з 225 аднамандатных акругаў. Праўда, выбары на ўсіх іх этапах праводзіліся такім чынам, што няма ніякіх сумневаў у тым, хто іх вынікі былі адміністрацыйна вызначаныя загадзя.
Цяпер чытаюць
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй46
Каментары