У Мінску праз украінскія дроны адмянілі два авіярэйсы на Маскву
У Нацыянальным аэрапорце Мінск адмянілі два рэйсы авіякампаніі «Белавія» паміж Мінскам і Масквой на фоне абмежаванняў у маскоўскіх аэрапортах. Пра гэта сведчыць электроннае табло мінскага аэрапорта, заўважыла выданне Reform.news.
Адменена прыбыццё рэйса B2958 з маскоўскага аэрапорта Дамадзедава, запланаванае на 13:40, а таксама вылет рэйса B2957 у Дамадзедава, які павінен быў адправіцца ў 10:00.
Перад тым Масква і Маскоўская вобласць трапілі пад атаку беспілотнікаў і невялікіх паветраных шароў. Жыхары паўднёвых раёнаў расійскай сталіцы паведамлялі пра гукі выбухаў і працу супрацьпаветранай абароны. Ва ўсіх чатырох аэрапортах Маскоўскага авіяцыйнага вузла — Унукаве, Дамадзедаве, Жукоўскім і Шарамецьеве — увялі план «Дыван».
Напярэдадні, 8 кастрычніка, самалёт, які ляцеў са Стамбула ва Унукава, перанакіравалі ў Мінск, выкарыстаўшы яго як запасны аэрадром. Расавіяцыя часова абмежавала прыём і выпуск самалётаў ва Унукаве, Дамадзедаве і Жукоўскім. У ведамстве патлумачылі гэтыя меры неабходнасцю гарантаваць бяспеку палётаў.
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам3
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў66
Каментары