Кінафестываль «Паўночнае ззянне» сёлета пройдзе ў фармаце кінаўікэнду ў Варшаве
Сёлета кінафестываль «Паўночнае ззянне» пройдзе ў скарочаным фармаце — як міні-фэст «Ззя weekend». Ён адбудзецца з 11 да 13 снежня 2026 года ў варшаўскім кінатэатры Kinoteka. Усе паказы будуць праходзіць толькі афлайн, піша Reform.news.
Арганізатары вырашылі змяніць фармат праз фінансавыя цяжкасці, з якімі сутыкаюцца беларускія культурныя праекты ў выгнанні, а таксама з меркаванняў бяспекі. Пасля таго як беларускія ўлады прызналі фестываль «экстрэмісцкім фармаваннем», камандзе давялося шукаць бяспечныя спосабы камунікацыі з беларускай аўдыторыяй. Таму сёлета асноўная ўвага будзе нададзеная гледачам за межамі Беларусі.
На працу над праектам паўплывалі і асабістыя абставіны заснавальніцы і дырэктаркі фестывалю Волі Чайкоўскай. Паўтара года таму яна стала мамай, таму цяпер значную частку яе сіл займае мацярынства.
Нягледзячы на скарачэнне праграмы, арганізатары маюць намер захаваць традыцыю фестывалю, паказваць кіно паўночных і балтыйскіх краін і ствараць прастору для свабоднага дыялогу.
Падчас «Ззя weekend» гледачам пакажуць выбраныя фестывальныя фільмы. Падрабязнасці праграмы і інфармацыю пра квіткі арганізатары абяцаюць апублікаваць пазней у сацыяльных сетках. Падтрымаць правядзенне фестывалю можна таксама грашовымі ахвяраваннямі.
«Паўночнае ззянне» — фестываль кіно Паўночных і Балтыйскіх краін, заснаваны беларускай прадзюсаркай і рэжысёркай Воляй Чайкоўскай у 2015 годзе. На працягу многіх гадоў ён заставаўся адной з галоўных кінападзей для беларусаў, знаёмячы гледачоў з сучаснымі мастацкімі і дакументальнымі фільмамі Паўночнай Еўропы і Балтыі, а таксама з працамі незалежных беларускіх кінематаграфістаў.
«Паказаць жанчын, якія змагаюцца». Рэжысёрка Вольга Чайкоўская пра дэбют на HBO, жанчын у палітыцы і беларускае кіно
«Сітуацыя як на акупаваных тэрыторыях Украіны». Павел Баркоўскі — пра стан беларускай культуры
Шукаюць беларускіх рэжысёраў, якія хочуць паказаць сваё кіно ў Еўропе і трапіць на «Берлінале»
Фільм беларуса Яўгена Лыткіна здабыў Спецыяльны прыз журы на кінафестывалі ў Іарданіі
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары