Украінскія вайскоўцы заявілі пра паспяховую аперацыю «Велес», якой яны сарвалі расійскія планы наступу на Купянск
Украінскія вайскоўцы заявілі пра аперацыю «Велес», якая адначасова праходзіла пад зямлёй, на зямлі, а таксама ў паветры. Яны прайшлі больш за 15 кіламетраў пад зямлёй у тыл расійскіх войскаў.
Корпус Нацыянальнай гвардыі Украіны «Хартыя» паведаміў пра аперацыю «Велес» на купянскім напрамку. Паводле вайскоўцаў, яны прайшлі па падземных камунікацыях у расійскі тыл, адначасова атакуючы на паверхні і беспілотнікамі.
Задума ўзнікла пасля назірання за дзеяннямі расійскіх войскаў. Як сцвярджае камандзір корпуса, брыгадны генерал Ігар Абаленскі, тыя самі збіраліся выкарыстаць газаправоды, каб прабрацца ва ўкраінскі тыл.
«Мы назіралі, як праціўнік працуе пад зямлёй. І вывучалі, як ён гэта робіць. Расіяне мелі намер выкарыстаць газаправоды для пранікнення ў тыл нашых войскаў. Тады мы самі пайшлі пад зямлю. Мы прадбачылі дзеянні праціўніка і асвоілі тактыку вядзення баявых дзеянняў пад зямлёй», — патлумачыў Абаленскі.
Паводле «Хартыі», украінскія сілы прасунуліся па падземных камунікацыях больш чым на 15 кіламетраў. У корпусе сцвярджаюць, што спалучэнне гэтага манеўру з атакамі на паверхні і ўдарамі дронаў дазволіла сарваць планы расійскіх войскаў выйсці ў тыл Купянска.
Корпус паведамляе пра больш як 30 палонных і страты расійскага боку, якія перавышаюць 100 чалавек.
-
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу
-
Расійскі афіцэр застрэліў на фронце ва Украіне двух сваіх жа вайскоўцаў
-
Пад Самарай пасля ўдару Украіны другія суткі гарыць адно з найбуйнейшых сховішчаў нафты ў Еўропе
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары