У Навагрудскім раёне з 26 кастрычніка на год закрыюць рух аўтамабіляў па мосце цераз Нёман. Прычына — капітальны рамонт збудавання на 16‑м кіламетры дарогі Н-6325 Любча — Шчорсы — мяжа Мінскай вобласці.
Як паведаміў першы намеснік генеральнага дырэктара прадпрыемства «Гроднааблдарбуд» Аляксандр Марцулевіч, мост пабудавалі ў 1984 годзе. За больш чым 40 гадоў эксплуатацыі на ім рэгулярна праводзілі работы ўтрымання і бягучым рамонце. Аднак праз павелічэнне колькасці грузавога транспарту ўзнікла неабходнасць у капітальным рамонце.
Падчас работ плануюць узмацніць канструкцыю моста, адрамантаваць апоры і рыгелі, замяніць апорныя часткі бэлек, прывесці ў парадак конусы берагавых апор і паставіць асвятленне.
Для пешаходаў і раварыстаў мост застанецца даступным і падчас рамонту. Аўтамабілістам прапануюць аб’язджаць закрыты ўчастак па мясцовай дарозе Н-6202 Ярэмічы — Сіняўская Слабада — мяжа Навагрудскага раёна з выездам на рэспубліканскую трасу Р-11.
Аляксандр Марцулевіч адзначыў, што рамонт створыць пэўныя нязручнасці для жыхароў і кіроўцаў, але дазволіць гарантаваць бяспеку і надзейнасць моста на доўгія гады. Дарожныя службы просяць паставіцца з разуменнем да часовых абмежаванняў.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь3
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары