У Мінску ўпершыню правялі аперацыю замены адразу двух тазасцегнавых суставаў
У 11‑й клінічнай бальніцы Мінска ўпершыню правялі ўнікальную аперацыю, падчас якой пацыентцы адначасова замянілі абодва тазасцегнавыя суставы. Пры гэтым хірургічнае ўмяшанне выканалі без разрэзу цягліц. Аперацыя прайшла паспяхова.
Як паведамілі ў Камітэце аховы здароўя Мінскага гарвыканкама, жанчына паступіла ў бальніцу з цяжкім дыягназам — двухбаковым асептычным некрозам галовак сцегнавых костак з калапсам. Захворванне суправаджалася моцным болем і істотнымі парушэннямі хады. Пасля стараннай ацэнкі магчымых рызык медыкі вырашылі адначасова праапераваць абодва суставы.
Аперацыю правяла брыгада з трох дактароў — траўматолагаў-артапедаў. Яны выкарысталі прамы пярэдні доступ — малаінвазіўную методыку, якая дазваляе зменшыць кровастрату, знізіць пасляаперацыйны боль і звесці да мінімуму рызыку вывіху эндапратэза.
Яшчэ адна перавага гэтага метаду — больш хуткае аднаўленне. Пацыент можа стаць на ногі ўжо ў дзень аперацыі. Паводле слоў жанчыны, на пяты дзень пасля ўмяшання яна ўжо не адчувала болю і магла хадзіць па палаце нават без мыліц.
Разам з тым адначасовая замена абодвух тазасцегнавых суставаў мае свае асаблівасці і патрабуе строгага адбору пацыентаў. Канчатковае рашэнне аб магчымасці такой аперацыі дактары прымаюць з улікам кардыялагічных рызык.
У Мінску хірургі прааперавалі мужчыну, які ў гэты час быў у іншай бальніцы
Некаторыя аперацыі дапамагаюць не больш за плацэба. Чаму іх усё роўна працягваюць рабіць
«Больш за 10 чалавек выехалі ў Еўропу — і гэта толькі з майго аддзялення». Рэаніматолаг з райцэнтра шчыра апісаў будні беларускай медыцыны
Беларускія хірургі ўпершыню правялі складаную аперацыю на ўнутраным вуху
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары