«Не збіраюся стрымлівацца». Эстонскі прэм'ер адказаў на просьбу Пентагона не называць Пуціна пацуком
Прэм’ер-міністр Эстоніі Крыстэн Міхал адмовіўся змякчаць сваю рыторыку ў дачыненні да Уладзіміра Пуціна, нягледзячы на просьбу Пентагона ўстрымлівацца ад рэзкіх выказванняў пра расійскага прэзідэнта. Пра гэта ён заявіў у каментары выданню Delfi пасля публікацыі Reuters пра рэкамендацыі амерыканскага Міністэрства абароны балтыйскім палітыкам.
Прадстаўнік Пентагона Элбрыдж Колбі прыводзіў у якасці прыкладу «няўдалай рыторыкі» менавіта выказванне Міхала, у якім той параўнаў Пуціна з пацуком, загнаным у кут.
Эстонскі прэм’ер на гэта заявіў, што спроба дагадзіць дыктатарам прыводзіць толькі да прыніжэння, а пра рэальныя пагрозы трэба гаварыць адкрыта, а не замоўчваць іх.
«Я не збіраюся стрымлівацца. Пуцін — дыктатар, які забівае жанчын і дзяцей. І будзе працягваць гэта рабіць, пакуль яго не прымусяць змяніць курс», — сказаў Крыстэн Міхал.
Дзеянні расійскай арміі ва Украіне ён ахарактарызаваў як тэрарызм.
Прэм’ер таксама стрымана выказаў незадаволенасць цяперашнім знешнепалітычным курсам ЗША. Паводле яго слоў, ён рэгулярна сутыкаецца з крытыкай выбаршчыкаў за недастатковую рашучасць, у той час як саюзнікі Эстоніі з наймагутнейшай дзяржавы свету заклікаюць яго ўстрымлівацца ад рэзкіх заяваў.
Міхал нагадаў, што Эстонія ў сукупнасці выдаткоўвае на патрэбы НАТА амаль 7% ВУП і ўдзельнічае ў абароне ўсходняга флангу альянсу. У кастрычніку краіна абвясціла пра планы пабудаваць на мяжы з Расіяй 150 бункераў у рамках стварэння Балтыйскай лініі абароны.
За апошні год Эстонія таксама заключыла кантракты на набыццё дзевяці амерыканскіх рэактыўных сістэм залпавага агню HIMARS з ракетамі М57 далёкасцю да 300 кіламетраў, а таксама дзевяці паўднёвакарэйскіх ракетных комплексаў Chunmoo з падобнай далёкасцю. Акрамя таго, краіна плануе пастаянна размяшчаць найбольш баяздольныя падраздзяленні бліжэй да ўсходняй мяжы і рыхтуецца да «актыўнай абароны» ў выпадку расійскага ўварвання.
Раней Талін неаднаразова сутыкаўся з пагрозамі з боку пракрамлёўскіх інтэрнэт-троляў, якія заяўлялі пра магчымасць стварэння так званай «народнай рэспублікі» ва ўсходнім павеце Іда-Вірумаа, дзе пераважную частку насельніцтва складаюць этнічныя рускія. Разведвальныя службы краін НАТА таксама папярэджвалі пра магчымыя гібрыдныя аперацыі Крамля або прамое ваеннае нападзенне Расіі на Эстонію.
Уладзімір Пуцін, са свайго боку, рэгулярна заяўляе, што нібыта не хоча вайны з Еўропай, але гатовы даць адпор у выпадку неабходнасці. На нядаўнім саміце «Расія — Афрыка» ён сярод магчымых сцэнарыяў назваў сітуацыю ў Балтыйскім моры падобнай да той, што склалася ў Персідскім заліве. «Мы гэтага не хочам, але на любы выклік адкажам», — заявіў расійскі прэзідэнт.
Кіраўнікі МЗС G20 адмовіліся фатаграфавацца з Лаўровым
Расія ўзмацняе кампанію супраць Нарвы: у сетках заклікаюць узбройвацца і ствараць «народную рэспубліку»
Пентагон заклікаў краіны Балтыі змякчыць рыторыку адносна Расіі
Улады Эстоніі хочуць пабудаваць больш за 100 бункераў уздоўж мяжы з Расіяй
Пуцін на перамовах па Украіне можа патрабаваць вяртання НАТА да межаў 1997 года
Камандуючы НАТА Грынкевіч апісаў стратэгію на выпадак нападу Расіі
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх11
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1515
Каментары
Гэта рэал паліцік самы сапраўдны: казаць так, як ёсць