«Цэнтурыён» Ніла Маршала – гістарычны «выжывальніцкі» баявік.
Вялікабрытанія, 2010, каляровы, 97 хв.
Рэжысёр: Ніл Маршал
Ролі выконваюць: Міхаэль Фасбэндэр, Дамінік Уэст, Вольга Курыленка, Ноэль Кларк, Дэвід Морысі
Жанр: Гістарычны «выжывальніцкі» баявік
Адзнака: 5 (з 10)
117 год нашай эры. Пікты нападаюць на памежны рымскую крэпасць. Цэнтурыён Квінтус Дыяс — адзіны ацалелы. Герой адпраўляецца ў брытанскія лясы знішчыць кіраўніка бунтаўнікоў Гарлакона. Але дзікія шатландскія партызаны абвяшчаюць паляванне на рымлянаў.
Карціна Ніла Маршала – жорсткая гульня на выжыванне, толькі па недаглядзе прадусараў пастаўленая ў гістарычных дэкарацыях. (Зрэшты, дэкарацыі гэныя вельмі сціплыя.) Сам Маршал паспяхова спецыялізуецца на нізкабюджэтных жахаўках. У ягоным «Спуску» альпіністкі змагаліся з канібаламі, у «Сабаках-ваярах» вайскоўцы біліся з ваўкалакамі.
Брытанскія партызаны – тыя ж ваўкалакі.І метады іхняе барацьбы – самыя дзікія. Але чорнай – ва ўсіх сэнсах – перлінай стужкі з’яўляецца немая Вольга Курыленка, якая пасля мілошчаў з Джэймсам Бондам пераўтварылася ў сапраўдную ведзьму.
Нягледзячы на імёны імператараў і рымскія фалангі, аматарам ахайнай гісторыі лепей не турбавацца.
Фільм – толькі для заўзятараў экстрымальных гульняў, прагных да імперскай крыві.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары