Суд Першамайскага раёна Менска прыгаварыў Віктара Каліну да пяці з паловай гадоў, а яго жонку - да чатырох з паловай гадоў пазбаўленьня волі.
Муж і жонка прызнаны вінаватымі па ўсіх артыкулах абвінавачання.
Нагадаем, слуханне па справе В.Каліны і яго жонкі пачалося 29 мая. Віктару Каліну інкрымінаваліся махлярскія дзеянні, якія ён учыніў для атрымання страхоўкі за нібыта выкрадзены аўтамабіль. В.Каліна абвінавачваўся ў арганізацыі махлярства ў асабліва буйным памеры (ч. 4 арт. 16 і ч. 4 арт. 209 КК), арганізацыі заведама падманнага даносу (ч. 4 арт. 16 і ч. 2 арт. 400 КК) і заведама падманным паказанні (ч. 2 арт. 401 КК). Святлана Каліна абвінавачвалася ва ўчыненні махлярства ў асабліва буйным памеры (ч. 4 арт. 209 УК).
Паводле слоў дзяржаўнага абвінаваўцы, муж і жонка прадалі аўтамабіль "Мерседэс-Бэнц", а пазней заявілі аб яго выкраданні ў Маскве ў праваахоўныя органы Расійскай Федэрацыі. Жонка спевака была затрымана ў Мінску пры атрыманні страхоўкі за нібыта выкрадзеную машыну.
На судзе 29 мая В.Каліна заявіў аб сваёй невінаватасці ў махлярстве. Ён прызнаў віну толькі ў тым, што часткова даваў заведама падманныя паказанні. Яго жонка не прызнала сваю віну поўнасцю.
Прыгавор будзе абскарджаны ў 10-дзённы тэрмін у судзе вышэйшай інстанцыі.
Цяпер чытаюць
Лукашэнка: Мы гатовыя заключыць вялікую здзелку з ЗША61
Каментары