9 vieraśnia z voli Ŭsiavyšniaha pakinuŭ hety śviet adzin ź lideraŭ biełaruskaj musulmanskaj hramady Ibrahim Kanapacki. Dziadźka Ibrahim byŭ pierakanany patryjot i ščyry viernik dy ŭsio svajo žyćcio addana słužyŭ Bohu i Baćkaŭščynie.
Vydavieckaj, daśledčyckaj i publicystyčnaj dziejnaściu jon doŭhija hady viartaŭ dla biełaruskaj kultury jaje isłamskija staronki. Vykładajučy historyju ŭ pedahahičnym universytecie imia Maksima Tanka, pišučy knižki, redahujučy časapis «Bajram», ratujučy starabiełaruskija musulmanskija kitaby i zajmajučysia vydavieckaj dziejnaściu, jon budavaŭ budučuju volnuju Biełaruś, dzie jość miesca dla ludziej usich pierakanańniaŭ i vieravyznańniaŭ. Svajoj hramadzkaj dziejnaściu jon adradžaŭ šmatviakovyja tradycyi biełaruskaha isłamu paśla złačynnaj antyrelihijnaj palityki savieckaha režymu, nios pasłańnie Praroka biełarusam, słovam (drukujučy ŭ «Bajramie» biełaruski pierakład Kur'anu) i spravaj (byŭšy pabožnym, ale zusim adkrytym, kamunikabelnym čałaviekam).
Maraj dziadźki Ibrahima było ŭbačyć sabrany z raskidanych pa roznych rukapisach frahmentaŭ Śviaty Kur'an na starabiełaruskaj movie. Jon vieryŭ, što niekali hetaja mara ździejśnicca, i adstojvaŭ biełaruskuju sutnaść musulmanskaje kultury VKŁ. Šmat razoŭ davodziłasia hutaryć ź im ab hetym i inšych prajektach, i siońnia tyja słovy dziadźki Ibrahima ŭsprymajucca ŭžo zusim pa-inšamu — jak zapaviet nam i prahrama da dziejańnia.
Dziadźka Ibrahim staŭ uzoram sapraŭdnaha viernika i patryjota, nia tolki dla musulman, ale i dla chryścijan, judejaŭ — dla biełarusaŭ.
Śvietłaja pamiać, i niachaj achinie jaho Łaska Boskaja!
Siarhiej Bohdan
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam
Kamientary