Na hety hod biudžet musiŭ atrymać 100 młrd rubloŭ ad prodažu dziaržaŭnaj majomaści. U listapadzie ŭrad skarektavaŭ zadańnie. Sa sta miljardaŭ ... da dvuch.
Biełaruś bolš nie pradaje ni «Biełtranshazu», ni pradpryjemstvaŭ naftachimii, ni piŭnoj haliny. Prodaž dziaržmajomaści mahčymy tolki pry źjaŭleńni hruntoŭnych zamiežnych investaraŭ, jakich paprostu niama. Unutry krainy dziejničaje adzin «investar» — dziaržava, i ŭ Biełarusi poŭnym chodam idzie advarotny pryvatyzacyi praces — nacyjanalizacyja. Nie prachodzić i tydnia, kab na niejkim AAT nie prachodzili zbory akcyjaneraŭ, na jakich «praciskajecca» pavieličeńnie doli dziaržavy da 99,9%.
«Załataja akcyja» ŭviedziena na «Alesi», «Lidzkaj lakafarbie», «Śvietłahorskim CKK», «Mienskim farforavym zavodzie». Dziaržava nakładaje łapu na ŭsio, što pracuje.
Na nastupny hod plany dachodaŭ ad prodažu dziaržaŭnaj ułasnaści zakładzieny ŭžo realnyja — u pamiery 1,2 młrd. Heta ekvivalentna siami kramam u vioscy. U Minekanomiki j Minfinie kažuć: navošta pradavać akcyi, kali dziaržava — samy efektyŭny kiraŭnik? Zdali dziaržaŭnuju majomaść u arendu, atrymali prybytak ad tych pradpryjemstvaŭ, jakija jaho majuć, dadali pastupleńni ŭ biudžet ad dyvidendaŭ na akcyi akcyjanernych tavarystvaŭ, dzie jość dola dziaržavy. Što da pryvatyzacyi, to praces faktyčna zamarožany. Samaje bolšaje, što mohuć sabie dazvolić na pradpryjemstvach, — heta tak zvanaje «ŭmoŭnaje akcyjanavańnie» pradpryjemstva, kali 1—2% majomaści pieradajucca pracoŭnamu kalektyvu, astatniaje ž zachoŭvaje za saboj dziaržava.
Ciapier čytajuć
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha36
Kamientary