Kali iści vulicaj Rakaŭskaj da Niamihi, u kvadratnym prajomie vielizarnaha domu, što staŭ upopierak vulicy za brežnieŭskim časam, pierad vačyma paŭstavaŭ unikalny pryhožy haradzki pejzaž — na pakatym schile staryja mury, staryja damy, staryja dachi i nad imi, jak hałoŭnaje ŭpryhažeńnie, — baročnyja formy adnoŭlenaha kaściołu…
Usio źmianiłasia z budaŭnictvam parkinhu na Niamizie. Pieršašapačatkova prapanavanaja lohkaja etažerka, jakuju było b nie škada razburyć praz 10—15 hod, pieratvaryłasia ŭ niešta manumentalnaje pa kanstrukcyi i raznarodnaje pa styli. Nibyta idučy nasustrač prychilnikam źbieražeńnia daŭniny, vierchnija pavierchi z boku Niamihi stylizavali pad niejkuju abstraktnuju pseŭdahistaryčnuju zabudovu.
U ŚMI tyražujuć adnu i tuju ž karcinku. Fatazdymak častki Vierchniaha horadu, jak jon vyhladaŭ sa schodaŭ, što viaduć z vulicy Rakaŭskaj da Niamihi, z umantavanym u jaho kamputarnym vidarysam parkinhu. Podpisy śćviardžajuć, što «takim budzie parkinh na Niamizie». Nam abiacajuć butaforskuju padrobku pad «historyju», pa styli nie padobnuju da sapraŭdnaj Niamihi, dziŭnym čynam uźniatuju nad dvuma sučasnymi pavierchami.
Na mantažy parkinh zasłaniŭ nia ŭsio sapraŭdnaje histaryčnaje — nad im uzvyšajucca katedralny kaścioł i častka šarahovaj zabudovy, što vielmi ŭpryhožvaje panaramu. Ale ŭ rečaisnaści ŭžo pabudavany parkinh zakryŭ vid na ŭsiu histaryčnuju zabudovu z kaściołam! Malaŭničaja panarama Vierchniaha horadu z rakaŭskaha napramku stračana całkam i kančatkova. Sučasnyja kamputarnyja prahramy dazvalajuć dakładna praanalizavać, jak vyhladaje abjekt, što prajektujecca, u spałučeńni ź isnujučaj zabudovaj z roznych rakursaŭ i navat u ruchu. Imi nieabchodna karystacca. Niama sumnieńnia, što, kali b prajekt supravadžali dakładnyja kamputarnyja ilustracyi vyhladu parkinhu ŭ horadabudaŭničym kantekście, toj jaho varyjant, jaki budujecca, nia byŭ by ŭzhodnieny i zaćvierdžany. Było b znojdziena bolš karektnaje rašeńnie.
Ci pasłužyć hety trahičny dla staroha Miensku vypadak dobrym urokam na budučyniu?
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary