Enierhietyčnyja subsidyi Rasii Łukašenku dasiahnuli 10 młrd dalaraŭ za hod
Takuju acenku zrabili supracoŭniki Instytuta ekanomiki Nacyjanalnaj akademii navuk Biełarusi. Ich artykuł źjaviŭsia ŭ časopisie Nacbanka «Bankaŭski vieśnik».
«Tolki za košt ilhotnych cenaŭ na enierhanośbity Respublika Biełaruś u 2012 hodzie zaaščadziła kala $10 młrd», — cytuje ekanamistaŭ ahienctva «Interfaks-Zachad». Heta składaje amal 16% ad VUP.
U pryvatnaści, vyhada Biełarusi ad atrymańnia biazmytnaj nafty skłała kala $4,6 młrd.
Pry acency subsidyj pry pastaŭkach hazu ekśpierty paraŭnali jaho faktyčnuju canu dla Biełarusi z koštam pastavak va Ukrainu. Biełaruś u 2012 kuplała rasijski haz pa $168 za tysiaču kubamietraŭ. Dla Ukrainy košt hazu składaŭ kala $430. Takim čynam, vyjhryš na hazie skłaŭ kala $5,3 młrd.
Prykładna takuju ž sumu składuć rasijskija subsidyi i ŭ 2013 hodzie. U śviecie niama druhoha prykładu takoj sama ščodraj padtrymki adnoj dziaržavaj druhoj. Hetak, dapamoha ZŠA Izrailu składaje prykładna 3 młrd dalaraŭ za hod, ci to 1,3% ad VUP Izraila.
Navat adnosnaje skaračeńnie rasijskich subsidyj u 2009—2011 vyklikała rezki rost zamiežnaj zapazyčanaści i hłyboki finansavy kryzis 2011 hoda.
Kamientary