Aleś Čajčyc: Lubaja svara pamiž Łukašenkam i Kramlom — na karyść Biełarusi
Kreml — hałoŭny palityčny i ekanamičny sponsar režymu Łukašenki.Łukašenka pryjšoŭ da ŭłady jak ahient rasiejskaha ŭpłyvu, ažyćciaviŭ pieravarot u 1996 hodzie pry niepasiaredniaj kramloŭskaj padtrymcy, pabudavaŭ svoj nibyta «ekanamičny cud» vyklučna na rasiejskich datacyjach. Rasieja — niaźmienny advakat łukašenkaŭskaj dyktatury na mižnarodnaj arenie.
Pakul Kreml kormić Łukašenku, Łukašenka budzie prezydentam.
Kali Kreml pierastanie karmić Łukašenku, u Biełarusi budzie inšy prezydent:albo ŭ vyniku revalucyi i adstaŭki Łukašenki, albo ŭ vyniku drejfa Łukašenki na Zachad — vybaraŭ — pačesnaj pensii. A inšy prezydent — zaŭždy šaniec na lepšaje. Lubaja źmiena — lepš za hety amal dvaccacihadovy
Ja nia vieru, što moža być horš, čym ciapier:kali z pasady prezydenta źnikaje charyzmatyčnaja asoba Łukašenki, heta aŭtamatyčna rezka padvyšaje status usich palityčnych siłaŭ u krainie. Luby inšy prezydent — heta apazycyja ŭ parlamencie i ŭ rajsavietach pa ŭsioj krainie.
Nia vieru, što Kreml pajšoŭ by na jurydyčny anšlus
luby pavažajučy siabie demakratyčny biełaruski ŭrad prosta abaviazany byŭ by ličyć usie dziejańni režyma Łukašenki ad 1996 hoda niezakonnymii ŭsie padpisanyja im ad imia Respubliki Biełaruś pahadnieńni jurydyčna niadziejsnymi biez admysłovaha rašeńnia ab advarotnym. Aproč taho, hetym pahrozam možna akazvać realny supraciŭ. I ŭ lubym vypadku heta lepiej, čym dadatkovyja piać (dziesiać? dvaccać?) hadoŭ kiravańnia Łukašenki — pry tym, što zhadanyja ryzyki za hetyja hady nikudy nia źniknuć.
Tak što pastanoŭka pytańnia «vy za Łukašenku ci za Kreml» — niapravilnaja. Ja za toje, kab jany ŭščent pierasvarylisia i adno adnaho źjeli.
Ciapier čytajuć
«Siadzić na kamierach». Daktary raskazvajuć, jak byłyja siłaviki ŭ administracyi paliklinik i balnic ich kantralujuć7
Kamientary