Iryna Chalip i Tom Stopard padzialili prestyžnuju brytanskuju premiju PEN/Pintera
Dramaturh ser Tom Stopard atrymaŭ sioleta premiju Pintera ŭ Brytanskaj biblijatecy ŭ Łondanie. Pra pieramohu Stoparda było viadoma niekalki dzion tamu, ale toje, što biełaruskaja žurnalistka Irynu Chalip stała suatrymalnicaj piśmieńnickaj uznaharody za mužnaść, abviaścili ŭ paniadziełak.
Pavodle sera Toma, Iryna Chalip zasłuhoŭvaje pryznańnia jaje mužnaści za krytyku aŭtarytarnaj ułady, niahledziačy na zapałochvańni i pazbaŭleńnie voli.
Uznaharoda PEN/Pintera — štohadovaja litaraturnaja ŭznaharoda, zasnavanaja 2009 brytanskim PEN-klubam u honar Haralda Pintera, jaki byŭ aktyŭnym udzielnikam Kamiteta źniavolenych piśmieńnikaŭ pry PEN.
Premiju dzielać pamiž brytanskim piśmieńnikam, jaki demanstruje, kažučy słovami Nobieleŭskaj pramovy Pintera, «ćviorduju, niepachisnuju i haračuju intelektualnuju rašučaść» i zamiežnym piśmieńnikam, jaki cierpić pieraśled abo źniavoleny za svaje pohlady.
Tom Stopard taksama skazaŭ, što dla jaho «honar padzialić uznaharodu z advažnaj žurnalistkaj.
Infarmacyjnyja ahienctvy cytujuć słovy Iryny Chalip: «Heta vialiki honar dla mianie, ale, bolš za toje, heta adznaka spraviadlivaj baraćby naroda Biełarusi za pravy čałavieka i za našuju hodnaść».
Antonija Frejzier, udava Haralda Pintera, skazała: «Harald pryvitaŭ by pieramohu Toma z entuzijazmam, jak vialiki prychilnik jaho tvorčaści, jon byŭ by asabliva ŭściešany premijaj Irynie, bo biełaruskaja sprava była blizkaja jaho sercu».
-
Aleksijevič raskazała, jak mocna jaje adnojčy ŭraziŭ Statkievič: «Jon dakładna pradkazvaje novyja niebiaśpieki»
-
Tamara Vińnikava pradała svoj łondanski dom, zaviešany karcinami samoj siabie ŠMAT FOTA
-
Vyzvalenyja palitviaźni niedaličylisia hrošaj ad «Bajsoła» — u fondzie patłumačyli, jak padzialili sabranaje na zbory
Ciapier čytajuć
Tamara Vińnikava pradała svoj łondanski dom, zaviešany karcinami samoj siabie ŠMAT FOTA8
Kamientary